اظبط طريقة للبانيه بعد عدة تجارب

جربت طرق كتير للبانيه
ودى اكتر طريقة ظبطت

البانيه من جوه وعليه طبقه حلوه جدا من البقسماط ومش بتنزل من عليه

زى ما بسمع من ناس كتير

اول حاجه بنقطع الصدر اتنين او ثلاثه حسب حجمه 


طبعا هتلاقى فتافيت متنفعش تتعمل بتشليها ع جمب نعمل بيها

 ميت الف حاجه

 ( مكرونه بالوايت صوص والفراخ / شاورما فراخ / نفرمها ونعمل كفته فراخ .... )



وبعدين هندقها كويس بمدق البوفتيك بنحطها جوه كيس وندق

بندقها كويس جدا علشان متكونش تخينه 

البانيه لو تخين مبيكونش اخد الطعم المظبوط 


لان الصدور ف حد ذاتها مش بتشرب طعم التتبيله بسهوله زى الوراك مثلا 


مينفعش بانيه بالوراك لحسن تعملوها ❌

البانيه

التتبيله 


ملح / فلفل / بهارات لحمه او فراخ / زعتر لو متوفر عندك / كسبره ناشفه ودى 

تحففففففففه ف التتبيله 


معلقه زبادى كبيره / معلقتين مسطرده كبيره / بصلتين كبار مضروبين ف الخلاط

مع شويه خل ولو الخلاط مش بيلف كويس حطى مايه معلقتين ثلاثه علشان المطلوب تبقى البصله عصيرررررر


اللون الاحمر ده علشان البصل احمر مش ابيض 


البصل الاحمر اجمل بكتير ف التتبيلات 💯


بس خلاص وتخلطيهم وتحطى البانيه في التتبيله

كده البانيه ف التتبيله اقل شىء ساعتين عاوزين طعم حلو 👍🏻

جهزت بيض مضروب بملح وفلفل 

والبقسماط ( كان عندى حبه عيش فينو منشفاهم وطحنتهم

وكان عندى حروف توست برده نشفتها وطحنتها وكان عندى شويه

بقسماط جاهزين خلطت كله ببعضه ) 

هنبدا بقا يلا بينا

ننزل فى البيض

وبعدين على البقسماط على الوجه الاول

وتقلبى الوجه التانى وتضغطى جامد جدا وتقلبيها مره اخيره وتضغطى تانى


وبعدين علشان تكونى ضامنه

ان البقسماط مينزلش من عليها دخليها نصايه كده الفريزر 

بس انا احيانا كتير بقلى ع طول ومش بتقع الحمدلله لانى بكون كابسه البقسماط عليها 


جامد بايدى 

ممكن تفرزنى كميه كبيره منها بترصيى جمب بعض وبعدين فوقهم كيس وتحطى ت
ا

نى رصه تانيه فوقهم وبعدين كيس وهكذا

وتقليها

اقرء المزيد

عجة القرنبيط لشيف لولا شومان

عجة القرنبيط

عمتو لولا loula shoumman
وصفات لولا عمتي ونصائح جدتي 
وصفحتي loula shouman
وصفحتي اكلات زمان مع لولا شومان

المكونات

قرنبيطه مناسبه لعدد افراد اسرتك
حوالي 5 فصوص توم او على حسب كمية القرنبيط
بصله متوسطه
1 حبة طماطم
ملعقة هريسة شطه
5 بيضات او يزيد حسب كمية القرنبيط
شبت بقدونس كسبره
اوراق نعناع ناشف لسلق القرنبيط
ملعقه كبيره دقيق او يزيد

التوابل

ملعقة كمون صغيره نصف ملعقه صغيره نعناع ناشف 
نصف ملعقة كمون حب او حصى (سليم بدون طحن)
شطه او حسب الرغبه
ملح وفلفل اسود
توم بودر بصل بودر جنزبيل 
ملعقه كبيره بكنج بودر

الطريقه

اسلقي القرنبيط في ماء مضاف له ملح وكمون واوراق النعناع الناشف 
للقضاء على الريحه اثناء السلق ولسهولة الهضم
افصلي العروق بعد السلق عن الزهر او وردات القرنبيط
في معد الطعام اضربي التوم اولا ثم البصل ثم ثمرة الطماطم
اقطعي عروق الخضره الشبت والبقدونس والكسبره واضربيها مع التوم والبصل والطماطم

ضيفي عروق القرنبيط واضربيه مع الخليط ثواني فقط
اخرجي الخليط من معد الطعام وضعيه ببوله او اناء وضيفي التوابل وشطة الهريسه او حسب رغبتك لانها حراقه

كسري الكمون السليم بدقه في الهون دقيقه وافركيه بصوابعك وضيفيه للخليط بيساعد على الهضم

ضيفي الدقيق والبيض وادخلي الخليط التلاجه حوالي ساعه وممكن من بليل
خرطي اوراق الخضره الشبت والبقدونس والكسبره وضيفيها للخليط قبل القلي
ضيفي البكنج بودر وابدأي اقلي في زيت غزير وزينى اقراص العجه بالسمسم
ارفعي الاقراص بعد القلي على فوط ورقيه

وقدميها على فرشة بقدونس ومخللات وجبنه بيضاء وبطاطس صوابع مقليه
وطبعا جرجير

وبالف صحه وعافيه


ملحوظه
العجه دي من ابتكاري ياريت لو حضرتك نزلتيها في اي جروب
تكتبي اسم الجروب وصفحتي قبل اسمي

اقرء المزيد

احلى طريقة للفراخ البانية من شيف مروة الشافعى

f

اقرء المزيد

اعملى لانشون الدجاج فى البيت

لانشون الدجاج الرائع

طبعا انتوا عارفين انه انضف من الجاهز الله اعلم بيتعمل ازاى وكله قرف واحنا عارفين كدة كويس

امنعى الجاهز واعمليه لاولادك في البيت وحافظى على صحتهم

اللانشون يعنى لحم أو دجاج الوصفات إلى بتتعمل من غيرهم دى مش بسميها 

لانشون عايزة تاكلى لانشون بجد جربي الوصفه دى

 يمكنك أيضا قراءة:

طريقة عمل اللانشون فى البيت بسهولة

المقادير

نصف كيلو صدور دجاج
2 بيضة
¼ كوب زيت
2 ملعقة كبيرة دقيق
3 قطع جبنة مثلثات ( انا حطيت كيري)
ملح وفلفل
رشه بصل بودر
رشه توم بودر
رشه كسبرة
رشة حبهان بودرة

حشو زيتون اخضر

في الكبه نحط الفراخ وكل التوابل ونضرب الخليط كويس جدا

وبعدين نضيف البيض والزيت و الجبنه ، ونخلط كويس بعدين نضيف الدقيق

 ونضرب تانى كويس ونضيف الحشو ، بعدين حطيت الخليط في كيس ساندوتشات

 ولفيته رول ولفيته بورق فويل وقفلته كويس وحطيت طبقه تانى من الفويل احتياطى

 وبعدين حطيته في حله فيها ميه مغليه لمدة ساعه ونص على نار هاديه وبعدين سبته 

يبرد ودخلته التلاجه يوم كامل وبعدين يتقطع وبالهنا والشفا

للعضوة:عبير حمدى

جروب وصفات لولا عمتى ونضائح جدتى

مواضيع ذات صلة:

1. الكبة الشامة بالصور الكتير

2. الممبار بالتفصيل

3. بسكوت بالفانيليا للشيف مروة الشافعى

اقرء المزيد

طريقة الكبسة

الكبسه عمتو لولا loula shouman

 
المكونات

كمية لحمه ضاني حسب احتياج اسرتك 


طماطم مقطعه صغير جدا

بصل مقطع صغير جدا


جزر مبشور

توابل كبسه


فلفل اسود لومى. 3 قرنفل


ورق لاورا. قرفه خشب


فص مستكه صغير. بهار لحمه


طماطمه لسلق اللحمه وبصله



الطريقه



باغسل اللحمه كويس جدا وانزلها قطعه قطعه في حله صغيره بها ميه بتغلي

مضاف لها فلفل اسود تاخد غلوه ويخرج الريم اخرجها وانزلها في حلة سلق اللحمه


 الرئيسيه


ويكون بها ميه بتغلي واضيف فلفل اسود ولومي ولاورا وقرفه خشب وبصل 

وطماطمه


وفص مستكه والقرنفل وبهار اللحمه


واتركها تستوي تماما



رز الكبسه


باغسل الرز وانقعه نصف ساعه في ميه عاديه


وفي حله مناسبه لكمية الرز باصفر البصل المقطع صغير جدا في سمنه


واضيف الطماطم المقطعه صغير جدا ويستحسن تكونى مقشره


الطماطم تغلي كويس وتتسبك مع البصل باضيف الجزر المبشور وتوابل الكبسه 

وبصل بودر 

جروب وصفات لولا عمتي ونصائح جدتي

و صفحة اكلات زمان مع لولا شومان



وقليل جدا من التوم البودر مش بيبان بس بيضيف ريحه حلوه 


واضيف كمية من الشوربه يخرج لون البصل والتوابل في الشوربه


واظبط الملح واصفي الرز واضيفه


واسويه زي اي رز متعوده اعمله لاني نقعته وحبايته طولت في الميه


ومش محتاجه ازود سائل
اصفي اللحمه كويس من الشوربه


واحمر مكسرات وبعدها الزبيب وفي نفس الاناء احمر اللحمه


وخلي بالك لو اللحمه قطع ناشفه من وش الفخده ما تحمريهاش قوي


حتى لاتجف وتكون صعبة المضغ


ولكن حمري القطع الناعمه كويس وخاصة الي بها دهون


اغرفي الرز في سرفيس وضيفي اللحمه على الوش


وانزلي بالزبيب والمكسرات


زينيها بشكل حلو وقدميها

وبالف صحه وعافيه


يمكنك أيضا قراءة:

طريقة عمل اللانشون فى البيت بسهولة 

سلطة الكبسه

عباره عن

طماطم وتوم وشطه خضرا وملح وفلفل وكمون وكزبره خضرا و ناشفه

وخل وليمون وشويه ميه ونضربهم كلهم في الكبه
او الخلاط

وزينيها حسب رغبتك

ممكن تعمليها جنب الكفته او الطعميه 

اقرء المزيد

طريقة عمل اللانشون فى البيت بسهولة

السلام عليكم ورحمة الله وبركاته 

وسسسسسسعوا للانشون البيتي الأكثر من رائع 


تحفة وطعمه وريحته خطييييرة


وطبعا حاجه نظيفه وصحيه لأولادنا بدل اللي بنسمعه عن اللانشون اللي من بره


مكوناته سهلة وفي متناول الجميع


5 بيضه. علبة جبنه نستو 8 قطع من أي نوع
5 معالق كبيرة دقيق
معلقتين نشا كبيره
معلقه صغيرة توم بودر
1,5 معلقة صغيرة بصل بودر
معلقة كبيره بابريكا
3 فصوص حبهان مطحون ناعم جدا
2 مكعب شوربة مفرومين
3/4 كوب زيت
معلقه صغيرة بهار لحم
رشه من الملح والفلفل الاسود
زره لون أحمر صحي
معلقه فلفل اسود حب. أو طرنشات زيتون أخضر 




الطريقة 
في الخلاط حطي كل المقادير ما عدا الفلفل الحب والزيتون الطرنشات
ن
خفق جيدا ونشوف اللون لو فاتح ضيفي تاني زرة لون وصبي هذا الخليط في كيس 

شفاف(كيس اللبن البلاستيك) وحطي الفلفل الحب أو الزيتون او سبيه ساده 

واضغطي 

خرجي الهواء واربطي الكيس كويس ولفيه في ورق فويل جيدا واقفليه من الناحيتين 

جامد ببرم الفويل جيدا
في حله نغلي ماء كافي لغمره وبعد الغليان اهدي النار وأضع اللانشون لمده ساعة 

كاملة مع التقليب مره او مرتين وبعد الساعة لو حستيه هتلاقيه جامد ودي علامه 

نضجه ارفعيه من الماء وشيلي عنه الورق ودخليه التلاجه حتي يبرد وقطعيه بألف 

هنا يارب 

جربوه سهل جدا 



ومش بياخد وقت في عمله ونتيجته ممتازة وحلو جدا للسندوتشات

جروب وصفات لولا عمتى ونصائح جدتى

اقرء المزيد

كيف أحل الشجار بين أبنائى

بين الولد والبنت قد يكون الأمر بدء إحساس برجولة عند الولد ترفضه الفتاة، أما بين الفتيات ففي الغالب هو شجار بسيط لن يلبث أن ينتهي فورًا لأن الشقيقات لا يستطعن الحياة دون بعضهن البعض، أما الأشقاء الشباب أو الأطفال الذكور فالشجار هو طبيعة بينهم لا تتوقف.

 لكن السؤال هنا كيف تتصرفين أثناء شجار أبنائك؟

• لا تفرقي في المعاملة بينهم على أي جانب من الجوانب عاطفيًا أو ماديًا حتى لا يكون الشجار بسببك أنت أو أبيهم.
• اشركيهم دومًا معك واهتمي بهم
• اغرسي فكرة احترام الكبير والعطف على الصغير بينهم
• لا تفرقي بين الولد والبنت والشاب والفتاة أبدًا فليس ذلك عدلًا ولا مستحبًا
• ميزي كل منهم بميزته وأظهريها ولا تتحدثي عن العيوب بل عالجيها دون انتقادها علنًا
• تعلمي انتقاد الفعل وليس الفاعل
• لا تقارني بينهم لا في الشخصية ولا في المستوى الدراسي ولا في الجمال الشكلي

• لا تنادي أيًا منهم إلا باسمه المحبب أو اسم التدليل أو اسم تظهرين فيه محبتك حبيبة أبيها العبقري الصغير الأميرة الجميلة. لا تجعلي السباب هو طريقة مناداتك لهم.
• اعدلي بين عطاياك في الهدايا
• راقبي سلوك الآخرين من الأقارب واشرحي لهم إن كان هناك فارق كبير مثلًا في الجمال بين الشقيقتين أو غير ذلك حتى لا تكون تعليقاتهم سببًا في التشاحن
• لا تنصري أحدهم على الآخر بالظلم لأنه الأقرب ولا بالعدل إلا بعد تصفية النفوس وبيان المشكلة
• علميهم معنى الحب الجماعي والعمل الجماعي والمشاركة في المنزل وخارجه
• إن كان بينهم سر فلا تجعلي أحدهم يفشيه وليكن كل منهم أمين على أسرار أخيه إلا أن تكون مشكلة كبرى وحاولي وقتها ألا تبيني أن أحدهم قد أفشى سر أخيه

منقول

اقرء المزيد