ترتيب فوق الحوض من مطبخ فيروزه روزه

جيالكم بطرق ترتيبى لفوق حوض مطبخى .......
الموضع هيبدو بسيط بالنسبه لكم ...
بس انا بقالى يجى سنتين وانا بطور فى تنظيم المكان ده ..
. من اول فتحة الباب لحد الشباك " المكان الى يقع فيه الاستاذ حوض"

يمكنك قراءة:

توابل المحشى بكل تكاتها من ام انس

كان ممكن مياخدش منى يومين تنظين واحسن من كده كمان ...
بس نظرا لان معنديش شنيور ... وبابا باشا مكسل يجيلى ...
افتكست شوية افتكاسات بيحيث انى اخلى كل حاجه مرفوعه من على الرخامه ...
ماتيجو نشوف ..
مبدأيا ده المكان على بعضه ... 


انا طبعا الى مصممه المطبخ بكل فتفوته فيه ... 
وطبعا فى ظروف بتفرض نفسها عليكى والنتيجه 85 % راضيه عنه 

الحوض يابنات 50 × 60 وده مقاسه بجد تمام للى لسه هيعمل حوض ...

اقل من كده يابنات بيظروط الدنيا مايه ..
المكان ده كله على بعضه كتقفيل " 150 سم " 

من اهم احتياجاتى فى المكان ده " فوطة ايدى "
لانى مبعرفشي اتحرك فى مطبخى وانا ايدى مبلوله ابدا ...
وكمان بحب اغسل ايدى بعد ما امسك او اقطع اى حاجه ...
 وده حاجه مهمه لو عاوزه مطبخك يبقا نضيف اطول وقت ...
تانى اهم احتياجاتى الى بحبها تكون قصاد عينى طول الوقت " الرشاش الديتول للرخام والفوطه "
عشان فش فش فى لحظه والرخام يبقا فل 

تالت اهم احتياجاتى " الصوانى والخلاط " محبتهومشي جوه المطبخ عشان بستخدمهم باستمرار 
ودول الوحدين الى على الرخامه لانى بكره الرخامه يبقا عليها حاجات كتير خصوصا ان المطبخ مش مستحمل 

نيجى بقا للافكار ...
فكرة الرفين الى فوق الحوض ...


انا لما عزلت وحطيت مطبخى ... فرق معايا فى مكان الشباك ...
وفى الشقه بتاعة ناو ... لقيت فوق الحوض فاضى ... طب اعمل ايه اعمل ايه ...
كنت هقفل درفتين ...وانا بتخنق من الحاجه الى تبقى مقفوله فوق دماغى ...
قولت خلاص هعمل مطبقيه بطريقه جديده ... وتشيل حاجات غير الاطباق ...

هنا حطيت مشمع من حيث التغيير
وروحت عند النجار وعملت رفين خشب بـ 200
وحطيت عليهم الاطباق الى بستخدمها يوميا لا اكثر ..
وعلب البقوليات والمكرونات ...
وتانى رف عليه الحلل المقاسات الصغيره الى بستخدمهم يوميا ...

وتانى فكره ... كنت عاوزه مكان للكوبيات الى بستخدمهم يوميا ..

جبت الرف الاستانلس ده ... 
وجايه معاه العليقه بتاعة الكوبيات البيضه دى ..
المهم قولت لاء هعلقها فوقيه افضل ... وعلقتها فى عليقات سيراميك بالسيلكون ... 

ومن تحت فى الرف ... شماعات الشربات الصغننه دى ... ركبتهم فى فوارق الرف الاستانلس وعلقت فيهم الكنك ده ... عشان بستخدمهم يوميا بردو..

وبكده ده المكان الى فيه الرفين برف الكوبيات 


نروح بقا للناحية الصفايه ... وصابون المواعين والليف والمليطه دى ...

انا بتخنق من الحاجات الى بتتحط جمب الحنفيه وتفضل تقع وتخبي حواليها مايه والكلام ده ... والمنظر مش تمام ..
كنت هجيب علبه استانلس بتاعة المعالق دى واعلقها فى المكان ده واحط فيها ازازة الفيري والليف والفرشه ...
بس فكرت فى فكره اسرع ...وجبت خيط خيش كان عندى وفتحت ازازة الفيري وتنيت الخيط ودخلت نصه جواه ونصه بره وقفلت الغطا كويس ... وبقيت للفيري عليقه ... زى مانتوا شايفين ...
والرشاش علقته من زلومته ههههه...
والباقى زى مانتم شايفين .. ودول بستخدمهم باستمرار ... وباقى المنظفات تحت الحوض ...

مش باقى غير الصفايه الاورنجايه ... 

صغننه بس بتشيل قد كده ... اصفى وارص على الرفين الى فوق الحوض ... ولو حاجه هتتحط فى الدرف ... 
وفوق الصفايه فى درفه زجاج فيها كاسات والدوارق بتاعة العصير ...
والناحيه التانيه جمب الشباك ... دى مفتوحه تلت ارفف صغننين ...

 مصورتهمش بس اول رف حاطه فيه كبة البصل ... 
وتانى رف فيه شوية اطباق ملونه عاملين منظر .. 
وتالت رف فيه ماجات مش بستخدمها ... لانه عالى اوى ..
.. 
وبكده خلصت افكارى لليوم فى ترتيب فوق حوض مطبخى اتمنى انى اكون اضافت ولو ضافت معلومه جديده افادتكم ...
منتدى فتكات
  فيروزه روزه 

اقرء المزيد

رتبت خزاين المطبخ والادراج بحاجات بسيطة

بقالي حوالي اسبوعين كده مش مهتمة اوي بخزاين المطبخ و بعمل شغل من برا بس يعني مسح و غسيل مواعين و بوتاجاز و بس
و سبت الدنيا تتلخبط جوا.


طبعا فيه وحده حتقولي اسبوعين مش كتير عشان تتلخبط الدنيا حقولها عندك حق لما تكون متنظمة كويس مش تنظيم زي اللي كنت عملاه يعني تنظيف الدرج و رص الحاجة فيه من غير علب فواصل و لا حاجة و طبعا من اول مرة حتطلعي حاجة و ترجعيها الدنيا حتسوح و تنوح و يرجع الدرج ملخبط.

و أسيبكم مع الصور المبهدلة  لخزانة المطبخ قبل التنظيم و بعد التنظيم اللي استعملت فيه سلة قديمة للخبز علية بسكويت و علبة ملابس اطفال و علبة حامل أطفال و علية بلاستيك:
الدرج قبل:

بعد:

قبل:

بعد:

قبل:



بعد:



دي الادراج العلوية انا نظمتها قبل ماصور عشان مجاش فبالي اني حعمل موضوع على فتكات و لو ملاحظين بردو الفناجين ملمومين في علبة هدوم أطفال




ودول العلب اللي استعملتهم:






و فالاخير احب اقول ان مش مهم نشتري علب و حاجات من السوق المهم نشتغل بالمتوفر عندنا و نظم بيوتنا و نسهل حياتنا


منتدى فتكات
العضوة:مدام امال الجزائرية

اقرء المزيد

تنظيف الغسالة الاتوماتيك

فى فكره تانيه تجيبى ملح ليمون

 وتحطى نفس مقدار المسحوق وتشغلى الغساله على٩٠درجه

 وتلغى العصر على فكره المهندس اللى قالى عليها

اقرء المزيد

ترتيب الثلاجة وتنظيمها بالصور

الثلاجه من اسهل الاماكن اللي ممكن يحصل فيها فوضى مجرد انك تنزلي تشتري طلبات البيت و ترجعي تحطيها في التلاجه تتفاجئي بان التلاجه ملغبطه و مفيهاش يمكن مكان كمان مهما كانت واسعه
الموضوع ده مالوش علاقه بمساحه التلاجه قد ما له علاقه بالترتيب انا لقيت مجموعه الصور الحلوه و الافكار دي على النت حاشارككم بيها مع تجاربي كمان و يا رب يفيدكم
اول حاجه خللي يوم في الاسبوع تخرجي فيه محتويات التلاجه و تراجعيها ايه اللي محتاجه و ايه اللي صلاحيته انتهت و تتخلصي منه

تاني شيء انا تجربتي مع الخضار انه اول ما بيجي باغسله و امسحه و ارصه في سبت او اكياس حسب نوع الخضار و تكون الاكياس او السبت مبطنه بمناديل ورقيه ده بيحافظ جدا على الخضار و في نفس الوقت بتكو ن مرتبه و منظمه و ساعه الاستخدام بتلاقيها نظيفه و جاهزه للاكل على طول و البقدونس ممكن تغسليه و تنشفيه و تقطعيه و تشيليه في علبه مبطنه بورق مناديل و تاخدي منها ساعه الاستخدام على طول


هنا مجموعه من الصور للتلاجات مع افكار تنظيم جميله و جديده:

• استخدام علب حفظ الطعام لحفظ بواقي الطبخات بدلا من اضافه الاواني للتلاجه التى تهدر مساحات شاسعه في التلاجه

• استخدام زجاجات للمياه و العصير حجمها ملائم للباب لتخزين الماء و العصير و يمكنك عدم الافراط في عددها و الاستعاضه عن ذلك بمكعبات ثلج جاهزه بالفريزر اذا كانت الادراج لا تتحمل اعداد كبيره من الزجاجات

• فكره جديه لتخزين الزبادي و ذلك بتجميعه في علبه واحده بلاستيكيه

• استخدام العلب البلاستيك فكره حلوه جدا لتخزين كل الاشياء اللي ليها نفس الطبيعه مع بعضها في مكان واحد ( مثل الاجبان في علبه - المايونيز و الماسترد و غيره في علبه و هكذا)

• يمكن تقسيم الدرج المخصص للخضروات كما بالصوره لاستغلاله و تنظيمه جيدا

• يمكنك استخدام مفارش بلاستيكيه لعمل منظر جمالي بالثلاجه و تسهيل تنظيفها

• بالنسبه للجبن و الحلاوه الطحينيه الاصابع الفكره دي حلوه اوي انك تستخدمي مج او كوب و ترتبيهم بيه

• ممكن استخدام العلب الورقيه لعمل تقسيمات بالارفف كما بالصوره ( العلب اللي اشتريتي فيها المنتجات من السوق ) لان اغلبها مصمم لتلائم حجم الارفف

• وضع علب الصلصات و المايونيز بجانب بعضها بالابواب داخل علبه كما بالصوره للحفاظ على الرف من الاتساخ لو وقع منهم حاجه

منقول

اقرء المزيد

صور مطبخى بعد التنضيف

الموضوع للعضوة:

m2roo 

من فتكات

 من كام يوم كده قلت اما انضف المطبخ تنضيفه جامدة بما اننا محبوسين فى البيت بسبب احداث البلد لانى من بورسعيد
فقلت استغل قعدة البيت واقوم على المطبخ قومة حلوة وقمت عليه نضفت الحيطان بالجاز وبالسلك والبوتجاز بالجيف والارض بالفلاش وجبت ديتول اسمه 4*1 مسحت بيه دواليب المطبخ والرخامه بس بجد راااائع وريحته حلوة اوى واسيبكم بقى مع صور مطبخى النضيف




ده الردايو حبيبى مبقدرش اشتغل فى المطبخ من غيره انا مغلفاه بالسلوفان عشان ميتوسخش من زيت المطبخ




 


 





ودى اعوانى فى النضافة الفلاش والجيف والديتول الى قلتلكم عليه

 

اقرء المزيد

نضفت مطبخى تعالوا اتفرجوا

الموضوع للعضوة

جولى (ago سابقا )

من فتكات


انا نضفت المطبخ وقولت افرجكم صوره

يالا اللى تنضف مطبخها تشارك معانا

 

..

اقرء المزيد

ترتيب وتنظيف مطبخى بالصور الكتير

المطبخ للعضوة

om salma92

فى فتكات

المطبخ عملاه من فتره بس منزلتهوش ولما جت الفرصة روحت منزله على طول يلا بينا نشوف الصور
البتوجاز نضفتو كويس جداا من برا وجوة وكمان فكيت الزجاج بتاعو وعملتو ب باور جميل بصراحة





2 الدرف برضو طلعت كل اللى جوها ووضبتها ومسحت الكوبايات ودرفة التوابل برضو نضفتها كويس ولمعت الخشب




ودى درفة التوابل اكتر درفة بحبها






التلاجة نضفتها برضو كويس وكل اللى ملوش لزمة رميتو





4 الشفاط نضفتة برضو ودة الوحيد اللى مصوراة قبل وبعد لان كان حاجة فظيعة







5 البراد والميكرويف

البراد نضفتة بقا ازاى ماما قالتلى املى مية وحطى فى المية خل والله يابنات نور وقالتلى سبيهم يغلو لحد مايبفصل







المطبقية والمطبخ كااااامل







كل اللى انا عايزة منكم دعوه حلوة لبناتى ان ربنا يخلهملى ويباركلى فيهم ويشفيهم يارب

وطبعا التقيمم

اقرء المزيد