طريقة عمل الكانيلونى لشيف عبير

كوب كبييييييير حليب وزيهم دقيق

2 معلقة ك سمن سايحة أو ذبدة

2 بيضة

رشة ملح وفلفل اسود تقريبا نصف معلقة صغيرة

كلهم فى الخلاط

زى كده

مقلاية تيفال ﻻتكون مخدوشة وعلى النار وممكن أول مرة ندهنها سمن

نضع مقدار كبشة من خليط الكانيلونى وبعدين 

أول مايتماسك نقلبهم ثانيتين الناحية التانية

ده المقدار اللى عملته حوالى 10 وحدات فى طاسة تيفال صغيرة

الحشو اللى تحبيه

سواء عصاج لحم مفروم أو دجاج 

أو سبانج متشوحة مع بصل مقطع ناعم ولما تدبل تشليها من على النار وتضيفى عليها 

جبن أبيض 

واجبان 

تانية مفضلة عندك

ونصف معلقة ص ملح ورشة شطة ومعلقة ص كمون

هانحط الحشو فى بداية قرص الكانيلونى ونلف

وعلشان يكون عندك طعم وهمى فوق كل حشو حطى حبة جبن موتزاريﻻ او شيدر او 

رومى

بالشكل ده

ندهن صينية ونرص فيها الكانيلونى

نيجى عند صوص الباشاميل

من اﻷفضل يكون خفيف

عبارة عن 

2 معلقة ك سمن على النار من غير مايقدح أضيف عليهم 2 معلقة ك دقيق واقلب ثانيتين

اضيف 2 كوب لبن حليب لكن بالتدريج شوية شوية 

اة مايتشرب شوية اضيف غيرهم لحد مايكون ناعم وأملس

وممكن نضيف عليهم نصف كوب موتزاريﻻ او رومى

وطبعا رشة ملح وفلفل

زى ما انتم شايفين 

ضيفت شوية لبن اتشربهم ضيفت غيرهم

وممكن كوب لبن وكوب مرقة شوربة يعنى

واحطها على وش الكانيلونى

وادخلها فى الفرن فى الرف اللى قبل الﻷخير من أسفل الفرن

اول ماتصفر من تحت أحمرها من فوق

بالشكل ده

يارب تعجبكم

للشيف عبير

من صفحة 

وصفات عبير

اقرء المزيد

اوعى ترمى بواقى الجبنة اللى عندك تعالى اقولك تعملى ايه

 اعتقد ان مافى تلاجه من التلاجات تخلو من بواقى الجبن على زتونتين باقين على قرن فلفل ماعليكى اللا انك تجيبى الخلاط وطلعى بواقى جبنه بيضه على بواقى شيدى رومى حتى لو فتافيت على قرن الفلفل وقطعى الزتونتين وشوية زيت ولو عندك ميه من ميه الجبنه حطى شويه واضربى كل ده فى الخلاط هيبقى عندك جبنه سايله بطعم خطير محدش لسه اكتشف الطعم ده فى السوق بجد طعمها روعه وماشاء الله بطلع جبنه كتير 
انا جربتها وحبيت افيدكم ابقوا جربوها 

وممكن تجمعى  الجبن وقطعى عليهم قرن فلفل واعملهم باتيه بعجينة العشر دقائق


او تحطيها فى المش


العضوة ام حبايب قلبى احمد وريناد
منتدى فتكات

اللى عندها افكار تانية تشاركنا بيها

اقرء المزيد

طريقة تفريز الملوخية الخضراء

شاهدى بالفيديو
طريقة تفريز الملوخية الخضراء
عشان تتطلع خضرا وحلوة

يمكنك أيضا قراءة
أفضل طريقة لحفظ الملوخية

اقرء المزيد

شوية تكات تحلى طعم الاكلات

السلام عليكم
جمعت لكم شوية تكات من النت
هتحلى طعم الاكل ان شاء الله تابعونى

بحط سميد تحت البيتزا في الصنيه
بتبقي عجينتها طعم عجينه دومينوز بيتزا

البانيه الفراخ بدخله الفرن بتتبيلته ياخد سوي نص ساعه وبعد كدا البقسماط واحمره في الزيت في 5 دقايق
مقرمش وطري من جوا

فى الرقاق بحط جواه حشوة البيتزا مش بس لحمة مفرومة ، بحط عالبشاميل معلقة كارى و كركم بيدوا طعم و لون ، واخيرا بقيت بحط للبانيه كرون فلكس بدل الببيتزا

الصلصلة بتاع الكشري طماطم وفلفل وبصلة مضروبين مع بعض ننزل بيهم علي بصلة مفرومة مع فصين توم بعد ما تاخد لون ذهبي في الزيت نديها معلقة صغيرة سكر وبعدين ننزل بالعصير ومعلقين خل وسيبيهم يتكتكو مع بعض وهممم

بحط معلقه سكر مع الطماطم ف الخلاط عشان ماتبقاش مغضضه ومعلقه سكر مع اى بصل بيتحمر بيحلى طعم الاكل وخصوصا مع البسلة
بجيب 3كيلو دهنه من الجزار واسيحها واعبيها فى علبه سمنه تكون فاضيه وباخد منها معلقه على الطبيخ بتدى طعم اللحمه فى الاكل لان انا ببقى عامله فراخ جمب الطبيخ الدهنه بقى تعمل النفس بدل اللحمه ..... تركايه تانيه اللحمه بسلوقها ولما بطلعها بنشفها وبغمسها فى دقيق وبيض وبقسماط مبهر بالملح والفلفل والزعتر والكمون وبقليها فى الزيت بتكون تحفه جمب المكرونه  .... تركايه تالته ... لما بعمل شعريه بالسكر بحط معاها رشه فانيليا بتديها طعم وريحه جنااااان

*البطاطس: بحط عليها كاري وكمون وملح قبل ما احمرها
* البابريكا بتدي طعم حلو لتتبيلة البانيه
*اللبن الرايب مع الزبادي بيخلي الكيك خفيفة اوي وجميلة

الباشميل والبانيه والمحاشي والكباب والكفته بعملهم يجننوا ......بتبل البانيه وبحط فالننبيله بيضتين مع خل وليمون وبطلع مالتتبيله بحط فالبقسماط وبييقي يحنن احسن ماتحطي فبيض وبعدين بقسماط

تقليه ملوخيه حطي مع التوم نص مرقه دجاج وكسبرة وانتي بتحمريه ف السمنه حيدي طعمه وريحه تحفه

العسل الابيض. و الخل مع تتبيلة البانيه او الفراخ المشويه
استبدال البصل و التوم بالباودر بتاعتهم علي التتبيله
معلقة سكر علي اي خضار بصلصه
لما بعمل البانيه بحط دقيق بقسمات وعليه دقيق عادي واكتره شويه و احط جميع انواع التوابل بيكون طعمة حلو اووووي و مش بيغمق
لو مفيش متزريلا للبيتزا باخد الجبنه الشيدر و معاها لبن و اسيحهم علي النار بتبقا زي البشاميل التقيل واعمل بيها البيتزا و ممكن صوص ع المكرونه
لما تيجي تعملي كفته اللحمه هاتي بصله و افرميها جامد جدا و هاتي مصفه صغير وحطي البصله المفرومه و نزلي ميتها في طبق و زودي عليه حبة مايه و دي خاليها المايه اللي بتستخدميها وانتي بتعملي الكفته و ممكن تستعملي ماية البصل علي السلطه

اقرء المزيد

مسقعة البدنجان بالبشاميل للشيف لولا شومان

مسقعة البدنجان بالبشاميل
عمتو لولا loula shouman

المكونات

كيلو ونصف بدنجان رومي
2 فلفله رومي خضرا
2 فلفل حراق احمر و2 اخضر
ملعقة كبيره توم مدقوق ناعم
نصف كوب جزر مبشور
فلفله خضراء كبيره مبشورة او مقطعه ناعم جدا
2 كوب عصير طماطم
ملعقه صغيره سكر. ملعقة كبيره خل
بشاميل يكفي لتغطية قاع الصينيه وللوجه
جبنه رومي مبشوره
ملح وفلفل
زيت للقلي

الطريقه

قشري البدنجان خطوط بالطول لان الفايده في القشر
قطعيه شرايح بالطول رفيعه
ورشيه بالملح واتركيه ساعه يدبل ويخرج السائل المر

سخني الزيت واقلي البدنجان على نار عاليه
طلعيه على ورق مطبخ ليمتص الزيت

قطعي الفلفل الرومي بالطول واقليه
واقلي الفلفل الحراق

في طاسه عميقه انزلي بالتوم وملعقتين زيت
واول التوم ما يبيض وتظهر ريحته انزلي بملقعة الخل
وضيفي الطماطم واتركيها تتسبك قليلا

ولعى النار على اللحمه المعصجه واما تسخن كويس
ضيفي الجزر المبشور والفلفل الاخضر المبشور
واخلطيهم كويس واتركيهم على نار هاديه دقيقتين واطفي النار

وادهني طاجن او صينية فرن سمنه خفيفه جدا
وانزلي بقليل من البشاميل
وفوقه طبقة بدنجان وعليها نصف اللحمه المعصجه
وبعض من الفلفل المقلي ووزعي قليل من الصلصه

واعملي طبقة بدنجان تانيه وعليها باقي اللحمه
وصلصه مش كتير 

وغطي الصينيه بباقي البشاميل
ورشة جبنه رومي على الوش
ودخليها الفرن تاخد لون دهبي محمر
خرجيها وزينيها بالفلفل الحراق المقلي
وقدميها مع رز ابيض
وبالف صحه وعافيه

ملحوظه
بشر الجزر بيضيف طعم مسكر وبيقضى على مرارة البدنجان
وبشر الفلفل بيضيف ريحه محببه

مش باضيف بصل ولكن بازود البصل للحمه المعصجه
لان البصل بيغمق المسقعه

ممكن تعملي طبقة بطاطس شرايح رفيعه مقليه للقاع
بدلا من البشاميل ولكني بافضلها بدون بطاطس

الصلصه تكون قليله ولاضافة طعم فقط
وعلشان ما تعملش سائل يطفو على الوجه

البشاميل يكون خفيف شويه وطبقه رفيعه لتغطية الوجه

المسقعه بالبشاميل يجب ان لا يظهر بها سائل الصلصه

ولاتنسوني من صالح الدعاء

صفحة اكلات زمان مع لولا شومان

اقرء المزيد

عرق اللحمة الباردة(التربيانكو)

ندخل علي الشـغل علي طول



عـرق اللحمه البـاردة ( هو اسمه كدة أو عرق التربيانكو )



علي فكره ده نص عرق لاني عملتها على مرتين لاني بعملها بس لفردين انا وجوزي انما انتي طبعا لو عدد اكبر تقدري تعمليه كله مرة واحده



جزر

ثوم

خيط دوبارة

ملح وفلفل وبهارات 

شوفتـوا المقـادير سهـله ازاي


أول حاجه هتجيبي عرق اللحمه وتربطيه كويس جدا بخيط الدوبارة زي كدة



وبعدين هتعملي فتحات فيه وتغرزي كويس بحيث انها تاخد فص التوم ومن الجناب تغرزي بحيث ياخد حته الجزر

وبعدين تحطي ملح وفلفل ورزو ماري



زي الشطورة تجيبي حبه بهارات انتي زي ماتحبي بقا شكلي براحتك

بس انا بصراحه حطيت جنزبيل وقرفه وبهارات لحمه وعليهم نقطة خل 

انتي براحتك المهم بعد كدة تدعكي العرق بيها



وهنحطه فى علبه تلاجه أو غطيه كويس بـأي حاجه بس نضيفه

وجري علي التلاجه ومش هنشتغل فيه غير تاني يوم علشان يشرب من التتبيله (( مش شرط ليله كامله انتي ممكن تتبيله م الصبح بدري وفى ناس بتشتغل علي الطول بس انا بحب ابيته قى التتبيله دي حاجه ترجعلك انتي وراحتك ))><>< بس التكـة دي بتفـرق فى الطعم جـامد
تاني يوم ان شاء الله نجهز صينيه فيها اى ماده دهنيه انا حطيت زبدة ونسيحها علي النار ونستني لما تسخن



وننزل بعرق اللحمه ونشوحه فيها كوويس







وبعدين نحط فى كوبايه مياه مغليه وخل ومعلقه سكر ونحطهم عليها وتغطي الصينيه بـ الفويل وعلي الفرن وانسيها بقا


علي فكرة اللحمه اسمها اللحمه الباردة يعني لازم تتقدم باردة

يعني مثلا انا كنت عوزاها علي الساعه 6 تكون جاهزة للاكل دخلتها الفرن من الساعه 3

تستوي براحتها وكمان تلحق تبرد لانها مش بتتقطع وهي ساخنه بتتهري فاانتي

راعي الموضوع ده وانتي بتعمليها .

وهنا بعد مااستوت ماشاء الله خست النص وده امر عادي 

اللحمـه الحمد لله استوت وتقدري تعرفي الموضوع ده بخله اسنان تحطيها فى العرق

لوطلعت نضيفه يبقي تمام كدة استوت قلنا ايه ؟؟ قلنا نسيبها لحد ماتبرد براحتها

وبعدين نقطعها

أدي اللحمـه بعـد ماقطعتها نشـوف كدة يافتـاكيتي 

للعضوة:Delicate lady

منتدى فتكات

القرص الطرية

عجة البيض

هل الجن من الملائكة

اقرء المزيد

ملف كامل لاستغلال بواقى الأكل بالصور

 بواقى البانية
لو عندك بواقى بانية


 اولا قشري طبقة البانيه
وشوفي وقولي رأيك بالافكار التالية
*نجرسكو
*رز بالباشمل
*بيتزا
*سمبوسة
*الشاورما دي
صفري بصلة وتوم_ملح_فلفل_بهارات كمون_شطة
عليها فلفل
مكعبات_جزر مبشور_بالترتيب كل 2دق ضيفي الي بعده_ماشروم وف الاخر الفراخ نفس دي اعمليها حشوات
*قطعيها صوابع وبعدين
اعمليها مع بطاطس محمرة ف الفرن وشربيهم شوية(دي لبواقي البطاطس كمان(
مرقة بصلصة ف طاجن
*شوحيهم ف بصله ضيفي
لسان عصفور محمر كملي
عليهم بمرقة وعصير طمطماية ياخد غلوتين وحطيه ف الطاجن ف الفرن وغطيهم بشرايح طماطم
*افرميها وشوحيهاببصله واحشي بيها بطاطس بدل
العصاج
_______________________

بالنسبة للدجاج المسلوق المتبقي بعد ما نخلص نطحنه و ممكن
نضيف له بطاطس مسلوقة ومطحونة ونعمله أقراص ونغمسه بالبيض المخفوق
ومن ثم البقسماط المطحون الناعم و نقليه بالزيت







بواقى الارز

الرز باعمله فتة
حمريله شوية شعرية ويبقي رز بشعرية
او حمري شوية رز ويبقي رز حبة وحبة 

1) بشيله فى الفريزر و لما اجمع حبه مناسبين اضيف له مكرونة مسلوقة و عدس بجبة و يبقى كشرى
وطبعا اعمل دقة و حمص الشام و بصل محمر

2)افضل اجمعه لغايه لما يبقى عندى كمية و افرد نصه فى الصينية و احط فوقهم شوية جزر و بسلة مستوين و 3 او اربع معالق عصاج و افرد باقى الرز فوقهم
وعلى الوش شوية بشاميل و ادخلهم الفرن لغاية لما الوش يحمر و دى صينية الرز بالبشاميل
3) ازوده على كفتة السمك


بواقي الفينو
=-=-=-=-

االفينو لما بيبقى منه بحوشه وبعدين احمصه في الفرن واعمله بقسماط ناعم للبانيه والبفتيك 
او اعمله شرايح ونفطر بيه مع الشاي الصبح 
فى حاجة تانية :
لما الخبز الفينو بيتبقى باقطعة دوائر ونحضر صنية ونضع فى قعرها سكر
يعنى 2 معلقة ونرص الخبز الفينوعلية وبعدين نحضر كوب للبن ونضع علية
سكر وبيضة او اتنين مش فاكرة وسكرطبعا زى ما انتى عايزة ونضعة كلة فوق الخبز ويدخل الفرن والله بيطلع زى مايكون كيكية
طريقة تانية للعيش الفينو البايت قطعيه شرائح وبعدين نقليه فى الزيت لغاية لما يحمر زى القطايف وبعدين نطلعه ونسقيه بشربات( العسل التقيل يعنى 2 كوب سكر +1 كوب ماء +ليمونة ) القطايف وبعدين نرصه فى طبق ونرش عليه اى نوع من المكسرات وبيبقى طبق حلو سريع ومالهوش حل





بواقي العيش البلدي
=-=-=-=-=-=-=-

بالنسبة للعيش البلدي او المدور حمصيه واعملي بيه فتة الباقى اليوم قطعية قطع صغيرة فى كيس بلاستك وعلى الفريزر عدل 
ولما تحتاجية طلعية وحمصية بالفرن واستعمليه للفته العادية وفته العدس

بواقي السمك المقلي
==-=-=-=-=-=

لما بيفضل عندى سمكة او اتنين من السمك المقلى بحطه فى كيس فى الفريزر وبجمعه وفى يوم بجيب بصل وطماطم وفلفل وبقدونس واعمله فى الفرن مع الكمون والنعناع الناشف والتوم بيبقي تحفه
وبتبقة اكلة جديدة

بقايا الكورن فليكس
=-=-=-=-=-=-
لو عندك بواقي كورن فلكس مكسر يعني الولاد مش هاتعرف تاكله اطحنيه شوية وزودي بيه بقسماط البانيه بيبقي احلي بكتير

بواقي اللحمه العصاج
=-=-=-=--=-=

اللحم العصاج ده كنز لا يفني خدي عندك

مصقعة 
مكرونة بشمل
بيتزا_سمبوسة
بطاطس بيوريه
او تشيليها ف الفريزر لما تعملي حاجة من دول وتكملي عليها
ممكن ابشري بصل وتوم وصفريهم بشوية زيت_ملح_فلفل_بهارات_شطة_
كمون
عليهم جزر مبشور _مكعبات فلفل اخضر
لحد ما يتشربوا ثم ضيفي اللحمة ووطي النار ربع ساعة
هتبطلي تشتري شاورما
وهتلاقي طعم الجزر جميل جدا_دي تنفع مع بواقي الفراخ لما تخليها_فراخ مفرومة_لحمة مفرومة نية

منقول من صفحة الست المصرية

اقرء المزيد

صينية فراخ بالبطاطس من مطبخ ورد

مواضيع تهمك :

• كفتة موفرة والطعم خطير من مطبخ ام حازم
• ترتيب فوق الحوض من مطبخ فيروزه روزه
• رتبت خزاين المطبخ والادراج بحاجات بسيطة
• كباب حلة على الفحم لقطفة ورد
• كفتة بواقي الفراخ المستويه للشيف لولا شومان

الكميه حسب الرغبه( فراخ منظفه ومقطعه--فلفل رومي مكعبات -- طماطم حلقات--بصل حلقات))

1_تدهن الصينيه ماده دهنيه حسب الرغبه

2_ترص حلقات البصل

وفوقها حلقات البطاطس

3__ترص الفراخ بعد سواء 5دقايق في الشوربه

4_ترص فوقها حلقات الطماطم والفلفل مع قطع سمنه عي وش الفراخ لمزاق رائع
طبعا مع رشه ملح وفلفل
وتدخل الفرن عشر دقايق وتحت الشوايه 5 دقايق بالكتير


والان مع الصووووور





هنا بعد ما استوت






قدمتها مع مخلل باذنجان

للعضوة قطفة ورد

من فتكات

اقرء المزيد