1- تفريز كفته الحااااتي :
لحم مفروم – بصلة مفرومة ومصفاة من ماء البصل ونحتفظ به } وهاقولكم ليه{- ملح – فلفل –بهارات -– خلطة بهاراتي المميزة (سفن ستار)- ليمونة – معلقة بقسماط
تتبل اللحم المفروم بالتتبيلة جيدا ونبدأ في تشكليها اصابع نبل ايدينا بماء البصل ونصبعها بتعطيها طعم جميل وبتسهل عملية التشكيل
وتوضع في القالب وتغطي بالاستريتش
لو عايزة الكفته تحتفظي بيها طبقات فوق بعض افصلي بينهم بكيس بلاستيك
منعا للالتصاق
2- كفته دااود باشا:
نفس طريقة الكفته
والتشكيل مدورة انا عملتها بمعلقة الايس كريم
ثم توضع في القالب وتغطي بالاستريتش
ولو طبقات نضع بينهم بلاستيك
3- لحم مفروم معصج:
(للبشاميل – للمسقعة –لكوسة بالبشاميل – سمبوسك-بيتزا –للمحاشي)نقطع بصلة صغير ونضع معلقة زبدة وزيت درة
حتي يصفر لونها بس
واضع اللحم واقلب جيدا حتي تنزل الميه
واضيف ملح وفلفل ابيض وبهارات لحم وبهاراتي المميزة
وممكن اضافة فلفل اخضر او الوان مقطع صغير بيعطي طعم حلو
ثم يوضع في قالب ويغطي بالاستريتش
وباحتفظ باللحم مفروم زي ما هو لمحشي كوسة وبطاطس
او لاي شئ تاني
وممكن تتبيله للكفته دون تشكيل
4-البفتيك:
لحم بفتيك شرايح – ملح – فلفل – ابيض - بهارات لحم – بهاراتي سفن ستااارز – بصلة شرايح – عصير ليمونة
تتبل اللحم بالتتبيلة جيدا
باستعملها لكذا وصفة مثل
(بيكاتا –اسكالوب ناتير – لحمة تحمير – بفتيك بالخضار والمشروم )
5- سكالوب بانيه:
لحم بتلو شرايح وده طبعا لانجح سكالوب – ملح – فلفل – بهارات لحم- خلطة بهاراتي – نصف ليمونة - دقيق – 2بيضة مضاف اليه معلقتين لبن – بقسماط مضاف اليه فجيتار
نضرب شرائح اللحم خفيفي بشاكوش اللحم
ونشق اللحم بسيط حتي لا تتقوس اثناء التحمير
نتبل اللحم بجميع البهارات
ثم نضع شريحة البتلو في الدقيق خفيف وطبعا لضمان تماسك طبقة البيض والبقسماط عليه
ثم نضع الشريحة في البيض وارفعها بشوكة حتي تتخلص من البيض الزائد ثم البقسماط واضغط عليها خفيف ليتماسك البقسماط
ثم نضعها في قالب ونفصل بينها ببلاستيك
6- لحمة متبلة لورقة اللحمة :
لحمة مقطعة مكعبات صغيرة – فلفل الوان – بصل شرايح –ليمونة –معلقة خل – ملح – فلفل – بهارات لحم –بهارات سفن ستارز –شرايح توم
تتبل اللحم بكل المكونات وتوضع في القالب
7- لحم كباب حلة:
لحم ممكن تقطعيها مكعبات او شرايح سميكة مستطيلة
بصل مبشور او شرايح – فص ثوم - معلقتين خل – نصف ليمونة – ملح – فلفل – بهارات لحم – بهارات سفن ستارز
تتبل اللحم ثم توضع في القالب
8- لحم بارد (روز بيف)
عرق لحم تربيكانو – فصوص توم – فلفل ابيض حب او اسود-عيدان قرفة – قرنفل مسمار –خل – ليمون
نعمل شقوق في عرق اللحم في كل مكان ونضع فصوص توم وفلفل ابيض
ثم يربط اللحم بالعرض والطول
طبعا ممكن تكتفي بالخطوة ديه
ولكن انا بحب جدا اضعه في تتبيلة حوالي 12 ساااعة
وهي عبارة عن خل وليمون وتوم و فلفل ابيض او اسود وقرفة عيدان وقرنفل امزجهم معا
واضع فيها اللحم واقلبه علي كل الجوانب حتي يتشرب من التتبيلة
وطبعا التتبيلة بتعطي للحم طراوة ويستوي سريعا
وفي طريقتين للتسوية
ممكن نشوحها علي النار وبعدين نضيف ماء وكل ما يقل نضيف زي كباب الحلة الي ان تستوي
او اننا نضعها في صينية وتحتها بوكيه جارنيه عبارة عن بطاطس وجزر وكوسة وكرفس
ونغطيها بورق فويل وتدخل الفرن حتي تمام السوي
وفي بيقولوا بتنشف بس انا بصراحة هذه الطريقة معتمدة عني
ولاني مش بحب طعم الخضار معاها فقللت البوكيه جارنيه
وبعد السوي تتركها تبرد ثم تدخل الثلاجة
ثم تقطع شرايح وباحتفظ بجزء منها في الفريزر لحين الاستخدام
9-طاجن لحم بالخضااار
لحم مقطع متبل بجميع البهارات وخل وليمون وبصل شرايح وثوم
خضااار مشكل (بسلة /جزر/فاصوليا/فلفل الوان)
وعند التسوية نضع بطاطس مكعبات وكوسة وشرايح طماطم
10-شاورمة لحم
لحم مقطع صغير – ليمونة – 4 ملاعق خل – ملح – فلفل – بهارات
بهارات سفن ستارز – سماق – بهارات شاورمة جاهزة
ليه ضااااني انا بابشرها (مهمة جداااا )
تتبل اللحم بجميع البهارات
11- الكبده:
تتبل بملح وفلفل وبصل شرايح فقط
حتي يظهر طعم الكبده
12- السجق:
يحفظ كما هو لانه بيكون متبل جااهز
اذا كان غير متبل وقت التحمير بيتبل
13- لحمة للسلق:
باشتريها مقسمة جااهزة
وطبعا احلي لحمة للسلق هي الموزة
شكل لدرج اللحوم:
انتهي الملف والحمد لله
تفريز هذه الاصناف بيوفر الوقت
ممكن نتعب في اسبوع ولكن بنرتاح طول الشهر
الحمد لله انا كل شهر باجهز الاصناف وبتوفري لي وقت وجهد
طبعا في شهر رمضان محتاجين لتوفير الوقت للعبادات
جربوا التحضير المسبق للاكلات
اتمني يكون الملف نال اعجابكم
ورغم اني تعبت فيه جدااا
يمكنك ايضا زيارة موضوع
تفريز الدجاج
الموضوع لام شهد وهيما
منتدى فتكات
