السر بتاع المطاعم انهم بيسلقوه فى اللبن وبيستبدلو النشا بسحلب
والسحلب اصلا طعمه وريحته جميله
فأنا قلت عشان اضمن سوى الرز
غسلته كويس بميه سخنه من السخان مش بارده وسبت عليه الميه السخنه لحد مابقت الميه صافيه والرز باين وصفيته كويس
وطلعت كيس اللبن من الفريزر
كيلو لبن استخدمت معاه نص كوباية رز المهم سخنت اللبن وهو مثلج على نار هاديه
تمام نار هاديه ولما التلج ابتدى يفك حطيت عليهم الرز وكل شويه اقلب لحد ما اللبن غلى كويس والرز جواه طبعا وبعدين لاقيت الرز ابتدى يستوى فرحت اوى قمت قفلت النار وسيبتهم ساعه قلت عشان اضمن خااااااااالص سوى الرز وبعد ساعه فتحت النار عليه تانى وضيفت عليهم معلقتين او تلاته كبار سحلب مدوبين فى شوية ميه ع البارد مع نص كوب سكر وضفتهم وقلبت لحد ماوصلت للقوام المطلوب وقفلت وحطيت كيس فانيليا وقلبت
ونستمر فى التقليب باستمرار عشان الرز مايلزقش
وصبى وحطى فى التلاجه ودوقى اجمل ررز بلبن بس يستحسن تغطى عليه فى التلاجه زى الجاهز كده عشان وشه مينشفش ان شاء الله
هقولكم بقى على شوية تكات تخلى الطعم احلى ان شاء الله
1-اخت جوزى كانت محوشه كميه كبيره من وش اللبن ولما عملت الرز بلبن ضافت كميه محترمه منه وطعمه كان رهيب
بس الافضل طبعا انكم تطلعوه قبلها بيوم يفك فى التلاجه وبعد ماتقفلى على الرز بلبن وتحطى الفانيليا تقومى حطه وش اللبن او القشطه وتقلبى حلو وتغرفى طبعا الطعم هيكون اغنى واحلى
2- الزبيب تنقعيه شويه فى ميه 5 دقايق تطريه وتضيفيه اثناء تسوية الرز بلبن قبل ماتحطى السحلب بيكون طعمه اجمل
بس لسه مجربتهاش
بعض الاخطاء اللى ممكن تقعوا فيها:
1- الرز بتضفيه للبن من الاول خااااااااالص يعنى تجيبى اللبن من اللبان وتحطيه ع اللبانه مع الرز
ولو كسلتى وحطتيه فى الفريزر عادى سبيه يفك شويه على النار وحطى معاه الرز
2- من فضلك النار تكون واااااااااطيه كانك بتسوى الرز العادى كده ليه بقى؟
عشان لو عليتى النار لما يجى يغلى للاسف الرز هيكون لسه نى
واحنا عاوزين الرز يستوى براحته خاااااااااالص
3- متقفليش خالص عليهم الا لما اللبن يغلى عشان تضمنى سوي الرز وانه تمام ساعتها اقفلى وسبيه شويه
4 - ارجعى افتحى النار عليه تانى والاحسن انك تضيفى سحلب زى ما قلت قبل كده وساعتها على النار براحتك مش لازم توطيها احنا كده خلاص ضمنا ان الرز استوى
وفىناس تحب تحط نشا لو كده ماتكتريش كفاية معلقة
منقول
يمكنك ايضا قراءة:
