فراخ مقرمشة بطريقة شيف لولا شومان

السلام عليكم ورحمة الله وبركاته

فراخ مقرمشة تغني
عن شراء الكنتاكي
عمتو لولا amal shouman
جروب وصفات لولا عمتي ونصائح جدتي
صفحة اكلات زمان مع لولا شومان


المقادير :
فرخه كيلو ونصف مقطعه 8 قطع
كوب ونصف دقيق
2 ملعقة صغيرة بكينج بودر
ملعقة صغيرة زنجبيل بودر
ملعقة صغيرة ملح
ملعقة صغيرة بابريكا
نصف ملعقة صغيرة فلفل اسمر
رشة جوزة الطيب ورشة توم بودر
ربع ملعقة صغيرة كمون
نصف ملعقة بهارات فراخ
ربع كوب ميه ربع كوب لبن
2 ملعقه كبيره كريمة طهي سائله
مقرمشات قلي مجروشه في مطحنة التوابل
شطه ناعمه  اختياري



الطريقة
اسلقي الفرخه كويس وضيفي لمية السلق
بصله مقطعه. بصل بودر. حبهان مكسر
توم بودر  جنزببل بودر.  فلفل اسود
رشة كسبرة ناشفه

اخلطي كل مكونات التتبيله ورشة ملح
 ما عدا مقرمشات القلي
والبكنج بودر واللبن والميه وكريمة الطهي
وتبلي الفراخ بعد تصفيتها من الشوربه
 واتركيها لا يقل عن 3 ساعات



اخلطي الدقيق مع البكينج بودر ورشة ملح
وضيفي لثلث كمية خليط الدقيق الميه وكريمة الطهي
للحصول على عجينة سائلة مثل خليط الكيك.
ضيفي لباقي خليط الدقيق الجاف مقرمشات القلي

قبل التسويه نزلي الفراخ في مصفاه واسعة الفتحات
تتصفى من سائل التتبيلة
سخني الزيت على نار متوسطة في طاسه عميقة
ويكون الزيت لنصف الطاسه




نزلي الفراخ المتبله  في خليط الدقيق  الجاف
قطعه بقطعه بحيث الدقيق يغطيها من كل جانب
مع مراعاة عدم الضغط عليها
نزليها مباشرة في الزيت السخن تاخد لون دهبي
وتقرمش من بره
قدميها مع مكرونه او اي نوع رز
وبطاطس اصابع محمره وكولو سلو
وعيش وكاتشاب

وبالف صحه وعافيه
ملحوظه
كريمة الطهي بتضيف لون دهبي رائع كما في الصوره
اللبن بيضيف طعم ويحافظ على داخل الاصابع طري
مقرمشات التحمير بتنشف القشره وتقرمشها
وموجوده عند العطار
طحنتها نصف طحن بالمطحنه لانها بها قطع
كبيره والصغيره افضل في القلي
صفحة اكلات زمان مع لولا شومان

تصنيف : طبخ