رز بلبن زى المحلات بالظبط وسهل

رز بلبن بطريق شيف لطيفة

السلام عليكم ورحمة الله وبركاتة 

وصفة النهاردة بقى رز بلبن بطريقتي . بس جميل وبسيط وفيه كذا تكة تخليه يطلع معاكي ناعم وجميل حتى وهو بارد كل مرة وأروع من بتاع بره 100مرة, حتى ماماتي اعتمدة طريقتي دي من زمان . 

بإسم الله نبدا:-

ده شكل قوام الرز بلبن 





وكدة لما زينا الأطباق بالجوز الهند والزبيب





المقادير دي تعملك 4 كاسات





المقادير:-

ملو ايدك كدة رز مصر او ربع كوباية 





ده شكل المقادير كلها مع بعض (صورة عائلية يعني)
الكوب المستخدم في القياس هو كوباية الماية العادية
2 كوباية لبن طازج
ربع كوباية رز
نص كوباية كريمة لباني
ربع كوباية سكر 
1 معلقة طعام مليانة نشا ذرة 
وفانيليا للنكهة




يا جماعة كتير جدا جدا بيسألوني عن الكريما اللباني بالذات بعد موضوع المهلبية . كريمة الخفق او الكريما اللباني او الduble cream أوالfresh cream هي نفسها الكريم شانتية بس قبل الخفق. وفي نوعين نوع مخصص للحلويات ونوع مخصص للطبخ ممكن تستخدمي أي وحدة فيهم , بس لازم تعرفي اني الي بتبقى مخصصة للحلويات أوقات بتبقى مسكرة يعني مضاف لها سكر بس مش متوفرة كتير بالذات في مصر والي مخصصة للطبخ بتبقى من غير سكر . ممكن تستخدمي اي وحدة فيهم عادي. ده شكل كريمة خفق المراعي الي متوفرة في كل دول الخليج . دي زي ما موضح عليها للحلويات بس النوع الي مخصص للطبخ برضو ممكن تستخدمي في الحلويات لانو كريما لباني من غير سكر.

وميزة اضافة الكريما للرز بلبن والمهلبية والعاشوراء بيديها نكهة جميلة جدا جدا ومش بيخليها تعمل وش حتى لما تبات في الثلاجة والميزة الأهم انها بتربط نكهة الرز بنكهة اللبن وبتدي تجانس جميل علماً





مش عارفة ليه مقتنعة اني اللرز باللبن ما يتزينش غير بالجوز الهند والزبيب يمكن علشان ما ساعات ما فتحت عنيا وأنا بلقي ماماتي بتزينه بالجوز الهند والزبيب .





الطريقة:
كتير بيشتكون اني الرز بياخذ وقت طويل عقبال مايستوي يعني بنسيب اللبن بيغلي لفترة لحد ما الرز يستوي . 
بصي بقى حنعمل اية . حنجيب كاسارول وحنحط فيها (اللبن والكريما اللباني)





الرز المغسول




ونضيف السكر




كدة عندنا في الكاسرول(اللبن والكريما والسكر والرز)





حنرفعها على النار لحد ما تغلي غلوة واحدة بس او تسخن جداً ونطفي عليها ونسيبها لحوالي ساعة . والسبب اننا بنخلي الرز يستوي براحتة من أثر الحرارة وحيبقى بعد كدة كريمي جداً وبيدوب لوحدة بس محافظ على شكلة وحجمه .

والأهم انك لما تيجي تاكلي الرز بلبن تحسي اني الرز كان منقوع في لبن مش في مية وطعمه فعلا طعم اللبن ومن هنا بتيجي نكهة (طبق الرز بلبن). على فكرة كلت رز بلبن عند ناس كتير وأغلبهم يا بيغلو الرز في مية وبعد كدة يضيفو على اللبن فللأسف بتحسي انك بتاكل رز مفلفل ومضاف له مهلبية أو بينقعو الرز في المية لفترة طويلة. علشان كدة بتحسي لما بتاكلي رز بلبن من بتوع المحلات اني الرز مندمج جداً والطعم متكامل كدة 





ده شكل الرز اول ما غلي اللبن وقفلت عليه 





وده شكله بعد ساعة بالظبط بصي بقى طري والحبة طولت جداً وجاهز اننا نعمله رز بلبن , وعلى فكرة لو دقتيه حتحسية متشبع بنكهة اللبن والكريما

بعد ما كدة حنولع النار على الرز بلبن تاني ونسيبها تغلي كدة حوال ربع ساعة مع التقليب المستمر وحنلاحظ اني الرز استوى نهائي وبقي طري وجميل.

وهنا شكلة بعد ما استوى 100% بصي ناعم ازاي بس محافظ على شكله لسه 

حنذوب معلقة النشا في مية عادية 

وحنضيفها على الرز بلبن مع التحريك المستمر بالمعلقة الخشب

وده بقى شكلة . نيجي بقى لمواصفات الرز بلبن الصحيح . حيبقى قوامة شبة تقيل بس أقرب للسيولة . والرز متوزع كدة على الوش زي ما خدتي بالك من الصوره دي مش نازل في قعر الكاسرول.

بصي كدة من قريب . واضح جداً اني قوامة شبة سائل بس مش لدرجة الماية 

وعلشان توصل الفكرة اكتر بصي بينزل بسهولة ازاي . ليه علشان الرز حيفضل ينزل في نشا وحيخليه يمسك أكتر وأكتر واحنا مش عيزينوة يبقى متماسك وناشف .علشان كدة ما تقلقيش وما تحاوليش تضيفي نشا زيادة لاني دي مقادير مدرسوة 100% 

بحب أضيف رشة فانيليا بتدية نكهة جميلة قداً قداً قداً

سبته يهدي شوية وصبيته في الكاسات . بصي الرز متوزع ازاي بشكل صحيح في كل الخليط. وبيتصب بسهولة وشبة كثيف بس مش تقيل. 

بصي على الجمال

أخواتي أخدو كوبايتين علشان مش بيحبو عليه اي مكسرات . 

والكوبايتين دول زينتهم بجوز الهند والزبيب

أسيبكم مع الصورة النهائية لكاسات الرز بلبن بعد التزين 

بصي جميل ازاي من قريب

وهنا سبتها لما بردت خالص وده بيبقى قوامها . ناعمة وزي الزبدة وطعمها ما أقولكيش بقى.

لو حبيتي الرز بلبن بتاعك يبقى جميل الشكل الده التزمي بالمقادير الدقيق والتكات وصدقي مش حتغير الطريقة دي لو جربتيها لانها خلاصة خبرة بحطها بين إديكي.

يفضل استخدام الكريما اللباني في الرز بلبن ويعتبر عنصر مهم جدا لنجاحة زي ما ذكرت في أسباب استخدامها, وللأسف ما لهاش بديل يعني ما تنفعش الكريما شانتية البودرة ولا ينفعش وش اللبن وما تنفعش القشطة

اقرء المزيد

كيكة برتقال من مطبخى سهلة ومضمونة ان شاء الله

كيكة البرتقال من مطبخى مضمونة وسهلة ان شاء الله

بنات الجروب انا اسفة مش عارفة ارفع اى صور

فى الجروب عشان عندى مشكلة فى الفيس

بسم الله

المقادير

3 بيضات حمرا كبار

3 كوب دقيق

كوب ونص سكر
كوب زيت أو زبده(بس الزيت بيخليها خفيفه اوى)
كوب عصير برتقال وقشور برتقال

(كوب لبن لو عايزاها كيكة عادية مش بالبرتقال)

ورقه بيكنج بودر

ورقتين فانيليا

الطريقه

فى الخلاط تحطى ال3 بيضات مع الفانيليا وتضربى كويس اوى لحد لما المقدار يتضاعف
وبعدين تحطى السكر على 3 دفعات وتضربى كويس اوى بين كل مره والتانيه
بعد كده تحطى العصيروقشور البرتقال وتضربى كويس

وبعدين تضيفى الزيت وعلى فكره انا بستخدم زيت التموين وبصراحه مفيش فرق فى الطعم بينه وبين كريستال

وتضربيهم كويس اوى يعنى حوالى 10 دقايق كده وبعدين تصبى الخليط فى طبق عميق
وتكونى نخلتى الدقيق مع البيكنج بودر

هنا بقى تروحى تشغلى الفرن على 180 درجه
وتبدأى تحطى الدقيق شويه بشويه لحد لما تخلصى الكميه(أنا بحب اشتغل بايديا علشان لو فيه اى تجمعات دقيق افككها)
احط الدقيق بايدى الشمال واخلط باليمين بالراحه على شكل دايره وبعدين نص دايره وفى نفس الاتجاه 

بمعلقة خشب عشان الهواء مايخرجش

تجيبى بقى الصينيه المدهونه زيت ومبطنه دقيق وتصبى الخليط والكيكه دى بتاخد فى الفرن من 45 ل60 دقيقه

.

اقرء المزيد

مكرونة بشاميل بكل تفاصيلها من مطبخى

اولا بنات الجروب انا اسفة مش عارفة ارفع اى صور

فى الجروب عشان عندى مشكلة فى الفيس

وده لينك الجروب للى بعتوا يسألونى

جروب ست مصرية

الطريقه

اولا باعصج اللحمه المفرومه وفى طريقتين

الطريقه الاولى انك فى وعاء على النار انزلي باللحمه وضيفي فلفل

 اسود وبهار لحم جنزبيل بودر شعرة قرفه شعرة توم بودر

ولما تنشف وتبيض ضيفي البصل المفروم وبدون سمنه لو اللحمه 

ملبسه واتركيها حتى تنضج تماما وبعد كده ضيفي الطماطم المعصوره

واتركيها الا ان يصبح قوامها مناسب ضيفي الملح واطفي عليها

وانا بافضل الطريقه دي

الطريقه التانبه

انك تصفري البصل وتضيفي اللحمه اما تبيض وتجف ماؤها ضيفي التوابل

ونفس الخطوات السابقه وفي الحالتين انا باخرط البصل وباستخدم طماطم فريش

ما باستخدمش الصلصه الجاهزه

وكتير بعملها من غير طماطم

البشاميل

لكل كوب لبن 2 ملعقه كبيره دقيق و2 ملعقة زبده على زيت 

الزبده على الزيت بيخلي لون البشاميل ابيض وخفيف

واما تعملي البشاميل على البارد بعنى تدوبي الدقيق في اللبن 

وفي الحاله دى بتضيفي شوية نشا ملعقه صغيره لسهولة الربط

وترفعيهم على النار وتقلبي اما اللبن يربط ويعمل زي المهلبيه 

ضيفي الزبده والملح والتوابل

او تضيفي الدقيق للزيت والزبده على النار وتقلبي حتى يبيض لونه

 انزلي باللبن دافي وبمضرب السلك قلبي بسرعه حتى يربط 

البشاميل ضيفي ملح وفلفل ابيض او اسمر

وضيفي كريمه لبانى او كريمة طهي واطفي النار وانا بافضل 

الطريقه دي بتدى طعم اجمل 

وانا بحب اعملها بكيلو لبن بتبقى جميلة وطرية

ممكن تضيفي جبنه شيدر مبشوره للبشاميل في الحالتين

هاتى صينيه فرن ادهنيها سمنه وبطنيها بالبقسماط الناعم

واسلقي المكرونه وبلاش في ميه كتير يادوب كمية الميه تسويها 

المهم ما تلزقش منك وطي عليها وقلبي باستمرار

وفي الحاله دي مش هتحتاجي تصفيها ورشي عليها رشة فلفل 

اسود بيدى طعم رائع للمكرونه

ضيفي 3/4كمية البشاميل للمكرونه وقلبيها كويس

وفي

 قاع الصينيه انزلي بكبشة بشاميل ووزعيها فى كل القاع وبحرص 

بلاش تجرحي البطانه

وضيفي نصف كمية خليط المكرونه وبعدين اللحمه المعصجه وشوية 

بشاميل تانى علشان ما تفصلش الطبقات

ورشة جبنه رومي مبشوره وباقي المكرونه وغطي وش الصينيه 

بباقي البشاميل بعد ما تضربي فيه بيضه وفلفل اسود وممكن 

الاستغناء عن البيضه

وضيفي على الوش جبنه رومي مبشوره ودخليها الفرن

اول وشها ما يبقي احمر وردي جميل خرجيها من الفرن

وبالف صحه وعافيه

اقرء المزيد

طريقة تخلى البقدونس يفضل فى التلاجة فترة كبيرة من غير مايصفر

سلام عليكم

بصوا انا عملتها ونجحت معايا بفضل الله
والبقدونس فضل مدة كبيرة من غير مايصفر

بصوا اول حاجة ننقع البقدونس فى مايه وخل
لان قبل كده لقيت فى حزمة بقدونس قوقعة فيها دودة بتتحرك

المهم نغسله كويس وبعدين نسيبه ينشف فى مصفاة






اهم حاجة انه ينشف مايبقاش مبلول

خالص

وممكن تحطيه من غير غسيل لو عايزة

وبعدين تبقى تغسليه قبل الاستعمال

وبعدين نقطعه وممكن بردوا تسيبيه من غير 

تقطيع بس انا بحب اقطعه يوفر وقت




ونجيب علبة بلاستيك ونحط فيها مناديل ورق






وبعدين نحط البقدونس





وبعدين نحط طبقة مناديل ورق فوقها





ونقفل العلبة ونسيبها فى التلاجة




وهتوفر لك وقت تقطيع البقدونس كمان


اللى يعجبها الموضوع تدعى لى بحسن الخاتمة

اقرء المزيد

ما هي أفضل طريقة لعلاج الإنفعالات؟

ما هي أفضل طريقة لعلاج الإنفعالات؟

عندما ينفعل الإنسان ويغضب تحصل في جسمه تغيرات فيزيولوجية أهمها إفراز هرمون الأدرينالين، وهذا يؤثر على ضربات القلب واضطراباتها وتسارعها واضطراب استهلاك الأوكسجين وارتفاع ضغط الدم.

هذه الأعراض تزداد حدة عندما يكون الإنسان واقفاً لأن عضلات جسمه تكون مشدودة وهذا يزيد من إفراز الأدرينالين، وإذا ما غضب فجلس أو اضطجع فإن نسبة هذا الهرمون تنخفض. وإذا ما تذكر الإنسان لقاء الله تعالى واستعاذ به من شر الشيطان وأدرك بأن هذا الغضب إنما هو من عمل الشيطان عادت حالته النفسية للاستقرار فالغضب هو توتر نفسي ناتج من عدم تقبل فكرة أو الإصرار على فكرة معينة بغض النظر عن صحتها أو خطئها.

إذن الطريقة المثلى لعلاج الغضب هي الاستعاذة بالله من الشيطان. وفي علم النفس لو بحثنا عن الجذور العميقة الكامنة وراء أي انفعال نفسي نجدها عدم الرضا بشيء ما. وعندما يستعيذ بالله من الشيطان الرجيم، فإنه يعترف أن هذا العمل من عمل الشيطان وأنه يمكن علاجه وأن الخير والشرّ بيد الله وأن المؤمن دائم القناعة والرضا بما كتبه الله عليه. 

لذلك نجد أن العلاج لأي خلل نفسي هو علاج جذور هذا الخلل، وإذا كانت المشكلة التي سببت الغضب هي عدم الرضا، فعندما يرضى الإنسان بالشيء الذي يعتبره صادراً من الله تعالى وأن الله بيده العلاج، فهذا يؤدي إلى كبت وإسكات الغضب بل وإبداله بالرضا والقبول.

والثابت علمياً أن الغضب هو شكل من أشكال الانفعال النفسي الذي يؤثر على القلب بشكل سيئ فيسبب تسريعاً لضرباته وجهداً إضافياً عليه. وعندما يغضب الإنسان يضخ القلب كميات كبيرة من الدم تؤدي إلى ارتفاع الضغط وتكرار هذه الانفعالات مع الزمن قد يؤدي إلى الإصابة بالسرطان. ومن هنا يتضح لنا أهمية نصيحة الرسول الكريم صلى الله عليه وسلم: (لا تغضب).

ولذلك عندما جاء رجل إلى النبي الكريم صلى الله عليه وسلم فقال له: أوصني، قال: (لا تغضب) فردد مراراً قال: (لا تغضب) [رواه البخاري]. هذا العلاج الطبي الناجح تحدث عنه الرسول الكريم صلى الله عليه وسلم: (إذا غضب أحدكم وهو قائم فليجلس فإن ذهب عنه الغضب وإلا فليضطجع) [رواه أحمد].

وقد رأى الرسول صلى الله عليه وسلم رجلاً اشتد غضبه فقال عليه الصلاة والسلام: (إني لأعلم كلمة لو قالها ذهب عنه ما يجد، لو قال أعوذ بالله من الشيطان الرجيم ذهب عنه ما يجد) [رواه البخاري ومسلم]. وقد أكد الرسول الكريم صلى الله عليه وسلم أن قوة الإنسان ليست في جسده بل في سيطرته على نفسه:(ليس الشديد بالصرعة، إنما الشديد الذي يملك نفسه عند الغضب). ومن خلال بعض الأبحاث الحديثة تبين أن تكرار الغضب بشكل مستمر يقصّر عمر الإنسان بسبب إصابته بالأمراض النفسية والجسدية.

والخلاصة أنك لكي تتخلص من أي انفعال مهما كانت الظروف تذكر أن الله تعالى موجود ويراك وسوف لن يتركك، بل سيدافع عنك، وبالتالي ينبغي عليك أن تتسامح، وهذا ما يؤكده الباحثون اليوم أن أفضل طريقة لعلاج التوتر النفسي هو التسامح.

اقرء المزيد

كيف نتعامل مع حروق الأطفال من الدرجة الاولى

تعرض الأطفال والرضع لحروق المياه الساخنة والسوائل، من الحوادث الأكثر شيوعا في مرحلة الطفولة، لذا فأنتِ كـ«سوبر ماما» ينبغي عليكِ بداية تجنب الأسباب، فالوقاية خير من العلاج.. ثم التعرف على أنواع الحروق المعرض لها أطفالك، وكيفية التعامل السريع منزلياً لمنع تفاقم الأمر، ولمعرفة ذلك تابعينا.

• ماهي أنواع الحروق؟
الحروق تصنف إلى حروق من الدرجة الأولى وحروق من الدرجة الثانية وحروق من الدرجة الثالثة حسب التلف الذي يلحق بالجلد، وحروق الدرجة الأولى هي الأقل خطورة من الأنواع الثلاثة، والتي يمكنك التعامل معها منزليا دون الحاجة إلى الذهاب إلى الطبيب، أما بقية الأنواع فأفضل عدم التحدث عنها وانصحك بالذهاب المباشر إلى الطبيب إذا تعرض طفلك لها -لاقدر الله.

• ما هي حروق الدرجة الأولى؟ وما هي أعراضها؟
حروق الدرجة الأولى هي الأقل خطورة من أنواع الحروق الأخرى وفيها يتم حرق الطبقة الخارجية من الجلد فقط وتكون أعراضها:
1 - إحمرار الجلد مكان الحرق. 
2 - غالباً ما يصاحب الإحمرار تورم.
3 - وجود ألم.

• كيف تتعامل الأم مع حروق طفلها من الدرجة الأولى منزليا؟

تعالج حروق الدرجة الأولى كالحروق الطفيفة منزليا كما يلي: 

(إلا إذا كانت الحروق في أجزاء كبيرة من اليدين أو القدمين أو الوجه أو الفخذ والأرداف أو بمفصل رئيسى بالجسم، فهذه الحالات تستدعي الذهاب للطبيب على الفور أو لأقرب مستشفى).

1 - تبريد مكان الحرق عن طريق وضع الجزء المحروق تحت المياه الباردة، وليست المثلجة مثل مياه الصنبور الجارية أو وضع مكان الحرق في إناء به ماء بارد، أو عن طريق عمل كمادات مياه باردة على مكان الحرق لمدة 10 : 15 دقيقة أو حتى تخف حدة الألم.

2 - غطي مكان الحرق بضمادة شاش معقمة، مع مراعاة عدم شد الشاش بقوة على مكان الحرق لتجنب الضغط على الجلد المحترق.

3 - اعطي طفلك مسكن للألم.

• ملاحظات:

1 - لا تتجاهلي الخطوة الأولى لأنها مهمة جداً، حيث أن تبريد مكان الحرق يمنع تورم المكان عن طريق إيقاف المزيد من الحرارة عن الجلد مكان الحرق.

2 - استخدمي الماء البارد لتبريد مكان الحرق، ولا تستخدمي الثلج مكان الحرق، حيث يمكن أن يزيد من الحرق والضرر بالجلد.

3 - ضعي شاش معقم مكان الحرق وتجنبي وضع القطن أو أي نوع من الأقمشة التي يمكن أن تلتصق بمكان الحرق.

4 - لا تضعي بياض البيض أو الزبدة أو معجون الأسنان مكان الحرق، فكل ذلك من المعلومات المغلوطة لدى بعض الناس.

5 - تابعي مكان الحرق وهو غالباً ما يلتئم من تلقاء نفسه، ولكن إذا لاحظت أي علامة من علامات العدوى مثل زيادة الألم والإحمرار والتورم أو صاحب ذلك ارتفاع في درجة حرارة طفلك فلابد من استشارة الطبيب.
منقول

اقرء المزيد