ترتيب فوق الحوض من مطبخ فيروزه روزه

جيالكم بطرق ترتيبى لفوق حوض مطبخى .......
الموضع هيبدو بسيط بالنسبه لكم ...
بس انا بقالى يجى سنتين وانا بطور فى تنظيم المكان ده ..
. من اول فتحة الباب لحد الشباك " المكان الى يقع فيه الاستاذ حوض"

يمكنك قراءة:

توابل المحشى بكل تكاتها من ام انس

كان ممكن مياخدش منى يومين تنظين واحسن من كده كمان ...
بس نظرا لان معنديش شنيور ... وبابا باشا مكسل يجيلى ...
افتكست شوية افتكاسات بيحيث انى اخلى كل حاجه مرفوعه من على الرخامه ...
ماتيجو نشوف ..
مبدأيا ده المكان على بعضه ... 


انا طبعا الى مصممه المطبخ بكل فتفوته فيه ... 
وطبعا فى ظروف بتفرض نفسها عليكى والنتيجه 85 % راضيه عنه 

الحوض يابنات 50 × 60 وده مقاسه بجد تمام للى لسه هيعمل حوض ...

اقل من كده يابنات بيظروط الدنيا مايه ..
المكان ده كله على بعضه كتقفيل " 150 سم " 

من اهم احتياجاتى فى المكان ده " فوطة ايدى "
لانى مبعرفشي اتحرك فى مطبخى وانا ايدى مبلوله ابدا ...
وكمان بحب اغسل ايدى بعد ما امسك او اقطع اى حاجه ...
 وده حاجه مهمه لو عاوزه مطبخك يبقا نضيف اطول وقت ...
تانى اهم احتياجاتى الى بحبها تكون قصاد عينى طول الوقت " الرشاش الديتول للرخام والفوطه "
عشان فش فش فى لحظه والرخام يبقا فل 

تالت اهم احتياجاتى " الصوانى والخلاط " محبتهومشي جوه المطبخ عشان بستخدمهم باستمرار 
ودول الوحدين الى على الرخامه لانى بكره الرخامه يبقا عليها حاجات كتير خصوصا ان المطبخ مش مستحمل 

نيجى بقا للافكار ...
فكرة الرفين الى فوق الحوض ...


انا لما عزلت وحطيت مطبخى ... فرق معايا فى مكان الشباك ...
وفى الشقه بتاعة ناو ... لقيت فوق الحوض فاضى ... طب اعمل ايه اعمل ايه ...
كنت هقفل درفتين ...وانا بتخنق من الحاجه الى تبقى مقفوله فوق دماغى ...
قولت خلاص هعمل مطبقيه بطريقه جديده ... وتشيل حاجات غير الاطباق ...

هنا حطيت مشمع من حيث التغيير
وروحت عند النجار وعملت رفين خشب بـ 200
وحطيت عليهم الاطباق الى بستخدمها يوميا لا اكثر ..
وعلب البقوليات والمكرونات ...
وتانى رف عليه الحلل المقاسات الصغيره الى بستخدمهم يوميا ...

وتانى فكره ... كنت عاوزه مكان للكوبيات الى بستخدمهم يوميا ..

جبت الرف الاستانلس ده ... 
وجايه معاه العليقه بتاعة الكوبيات البيضه دى ..
المهم قولت لاء هعلقها فوقيه افضل ... وعلقتها فى عليقات سيراميك بالسيلكون ... 

ومن تحت فى الرف ... شماعات الشربات الصغننه دى ... ركبتهم فى فوارق الرف الاستانلس وعلقت فيهم الكنك ده ... عشان بستخدمهم يوميا بردو..

وبكده ده المكان الى فيه الرفين برف الكوبيات 


نروح بقا للناحية الصفايه ... وصابون المواعين والليف والمليطه دى ...

انا بتخنق من الحاجات الى بتتحط جمب الحنفيه وتفضل تقع وتخبي حواليها مايه والكلام ده ... والمنظر مش تمام ..
كنت هجيب علبه استانلس بتاعة المعالق دى واعلقها فى المكان ده واحط فيها ازازة الفيري والليف والفرشه ...
بس فكرت فى فكره اسرع ...وجبت خيط خيش كان عندى وفتحت ازازة الفيري وتنيت الخيط ودخلت نصه جواه ونصه بره وقفلت الغطا كويس ... وبقيت للفيري عليقه ... زى مانتوا شايفين ...
والرشاش علقته من زلومته ههههه...
والباقى زى مانتم شايفين .. ودول بستخدمهم باستمرار ... وباقى المنظفات تحت الحوض ...

مش باقى غير الصفايه الاورنجايه ... 

صغننه بس بتشيل قد كده ... اصفى وارص على الرفين الى فوق الحوض ... ولو حاجه هتتحط فى الدرف ... 
وفوق الصفايه فى درفه زجاج فيها كاسات والدوارق بتاعة العصير ...
والناحيه التانيه جمب الشباك ... دى مفتوحه تلت ارفف صغننين ...

 مصورتهمش بس اول رف حاطه فيه كبة البصل ... 
وتانى رف فيه شوية اطباق ملونه عاملين منظر .. 
وتالت رف فيه ماجات مش بستخدمها ... لانه عالى اوى ..
.. 
وبكده خلصت افكارى لليوم فى ترتيب فوق حوض مطبخى اتمنى انى اكون اضافت ولو ضافت معلومه جديده افادتكم ...
منتدى فتكات
  فيروزه روزه 

اقرء المزيد

رتبت خزاين المطبخ والادراج بحاجات بسيطة

بقالي حوالي اسبوعين كده مش مهتمة اوي بخزاين المطبخ و بعمل شغل من برا بس يعني مسح و غسيل مواعين و بوتاجاز و بس
و سبت الدنيا تتلخبط جوا.


طبعا فيه وحده حتقولي اسبوعين مش كتير عشان تتلخبط الدنيا حقولها عندك حق لما تكون متنظمة كويس مش تنظيم زي اللي كنت عملاه يعني تنظيف الدرج و رص الحاجة فيه من غير علب فواصل و لا حاجة و طبعا من اول مرة حتطلعي حاجة و ترجعيها الدنيا حتسوح و تنوح و يرجع الدرج ملخبط.

و أسيبكم مع الصور المبهدلة  لخزانة المطبخ قبل التنظيم و بعد التنظيم اللي استعملت فيه سلة قديمة للخبز علية بسكويت و علبة ملابس اطفال و علبة حامل أطفال و علية بلاستيك:
الدرج قبل:

بعد:

قبل:

بعد:

قبل:



بعد:



دي الادراج العلوية انا نظمتها قبل ماصور عشان مجاش فبالي اني حعمل موضوع على فتكات و لو ملاحظين بردو الفناجين ملمومين في علبة هدوم أطفال




ودول العلب اللي استعملتهم:






و فالاخير احب اقول ان مش مهم نشتري علب و حاجات من السوق المهم نشتغل بالمتوفر عندنا و نظم بيوتنا و نسهل حياتنا


منتدى فتكات
العضوة:مدام امال الجزائرية

اقرء المزيد

كباب حلة على الفحم لقطفة ورد

اولا في الكبه (( بصلتين كبار _فلفل رومي الوان مع قرن حامي __))
وعلي جنب هحضر اللحمه الحمرا مكعبات صغيره

 النوع موزا او ضاني حسب الرغبه 

__وثوم مفوم_ومعلقه زبده علي معلقه سمنه__

ادي المكونات

1__يشوح الثوم في الزبده او السمنه ثم يضاف اليه البصل بالفلفل ويشوح حتي يتغير اللون

2__تضاف اللحمه مع التوابل ((فلفل وكمون وزعتر وزنجبيل وقرفه وحته جوزه الطيب قد حبه السمسم ورشه سكر بسيطه )) وتشوح حتي تتغير اللون وتقلب من حين للاخر وتترك حتي السواء
**هي هتجيب ميتها لوحدها مع البصل بس لو حابه صوص كتير حطي كوبايتين ميه مغليه لازم مغليه
3___ قبل ما اطفي عليها بخمس دقايق اوسع مكان في نص الحله وتوضع الفحمه وتغطي حتي تلتقط اللحمه ريحه الفحم

واللي مش عايزه فحمه بلاش

ملحوظه هامه خلي الملح قرب السواء 
وجوزه الطيب لو اكبر من حبه السمسم هتمرر
اللهم بلغت 

ادي التيجه



قدمتها مع رز











ده للي هتقيم وترد



لقطفة ورد

من منتدى فتكات

اقرء المزيد

كفتة بواقي الفراخ المستويه للشيف لولا شومان

كفتة بواقي الفراخ المستويه

المكونات
فراخه بايته ومستويه او بواقي
بصله متوسطه
عودين بقدونس
2 فص توم
2 ملعقه كبيره رز ابيض بايت
ملح وفلفل
بصل وتوم بودر
قليل من الحبهان المطحون
قليل من الجنزبيل البودر
شطة هريسه او حسب الرغبه
ربع ملعقة صغيره بكنج بودر

للتحمير
بيضه وملعقتين لبن 
رشة ملح وفلفل
دقيق وبقسماط للتغطيه
زيت غزير وملعقتين سمنه

الطريقه
نضفي الفراخ من الجلد والعظم والغضاريف
وفي معد الطعام اضربي
البصله اولا ومع استمرار الضرب
ضيفي التوم والبقدونس والرز 
اضربي جيدا حتى تختفي معالم الرز
ضيفي الفراخ والتوابل واضربي كويس جدا
حتى يلم الخليط ويتكور كالعجينه
اعمليها كور صغيره

ونزليها في الدقيق
وبعدين البيض وبعدين البقسماط
حمريها في زيت غزير مضاف له ملعقتين السمنه
وقلبي الكور باستمرا حتى تاخد لون دهبي جميل
خرجيها على ورق مطبخ
وقدميها سخنه على فرشة بقدونس
مع مكرونه او رز مع سلطات
او كطبق جانبي مع العزومات
وبالف صحه وعافيه
ملحوظه
كل ما يتبقى عندك قطع فراخ مستويه 
جمعيها في الفريزر لحين الاستخدام
الفراخ سواء مسلوقه او محمره 
وبايته تصلح لعمل الكفته

ممكن تضيفي ملعقة بشاميل مع خليط الفراخ
ممكن تضيفي بيضه مع خليط الفراخ
كفتة الفراخ وهي بارده بتكون جميله جدا
ممكن تجهزيها قبلها بيوم للمناسبات
الاطفال بيحبوها جدااااااااااااااا

شيف لولا شومان

اقرء المزيد

تنظيف الغسالة الاتوماتيك

فى فكره تانيه تجيبى ملح ليمون

 وتحطى نفس مقدار المسحوق وتشغلى الغساله على٩٠درجه

 وتلغى العصر على فكره المهندس اللى قالى عليها

اقرء المزيد

ميني بيتزا بطريقة الشيف شمس الضحى

ميني بيتزا
بعجينتي الخطيييره طريه و هششششششه جدا جداااااا


العجينه...


العجينه تلاته كوب دقيق

ملعقتين لبن بودر بيضايه ربع كوب زيت
 معلقتين خل معلقه كبيرة خميره فوريه 
معلقه صغيرة بيكنج بودر معلقه كبيرة سكر
 معلقه صغيرة ملح علبه زبادي
انخلي البيكنج بودر مع دقيق وخطي ملح ولبن بودر
وهاتي معلقه سكر مع معلقه خميرة ومعلقه كبيرة دقيق وربع كوب ميا فاترة
 وقلبي وسيبي خميرة تفور
حطي بيضه مع دقيق وملح وبيكنج وزيت وزبادي وافركي كويس

 وحطي خميرة واعجني وحطي زبادي وخل واعجني وزودي ميا شويه بشويه
 لحد ما نوصل عجينه لينه و طريه بتلزق بسيييط غطيها تخمر نص ساعه
ونشكل زي صور وتخمر تاني
 بعد تشكيل لاي معجنات عاوزاها ساعه كمان بس رققي عجينه لانها بتخمر جداااا



ومبتخدش وقت في فرن يدوب عشر دقايق فقط علي 200 درجه او ربع ساعه بالكتير اوي 



شيف شمس الضحى

اقرء المزيد

محشى كوسة باللحمة المفرومة

محشي الكوسه باللحمه المفرومه

شيف  Loula shouman

الطريقه

قوري الكوسه طلعي البذر فقط
ومعاها فلفل بيخلي ريحة الكوسه تختفي شويه وبيدي طعم رائع
وجهزي الخلطه
صفري بصله في زيت على زبده او سمنه
وانزلي بالطماطم المضروبه وملعقتين صلصه 
والتوابل فلفل اسود بهار لحم جنزبيل بودر بصل بودر توم بودر وشطه اختياري
واما تتسبك ضيفي لكل كيلو كوسه 3 ملعقة رز مغسول
ضيفي اللحمه المعصجه وقلبي كويس واطفي النار
وضيفي آخر حاجه الخضره شبت وبقدونس وكسبره
واتركي الخليط يبرد
باضيف بسر فلفله خضراء للخليط 



احشي الكوسه والفلفل ورصيهم واقفين في حله مناسبه للكميه
ولعي النار على الحله
وضيفي الشوربه بتغلي وممكن تضيفي ملعقة صلصة طماطم 
مع الشوربه معيار الشوربه لنصف صباع محشي الكوسه الواقف
لان الكوسه والفلفل بينزلوا ميه اثناء التسويه
سويها وبعد ما تستوي اطفي النار واتركيها متغطيه 5 دقايق
تشرب كل السائل

لو عاوزه تدخليها الفرن يكون سخن جدا او تحت الشوايه
ادهنيها بفرشة زبده وممكن قشطه بدل الزبده 
وبالف صحه وعافيه

منقول من

جروب وصفات لولا عمتي ونصائح جدتي
صفحة اكلات زمان مع لولا شومان

يمكنك أيضا قراءة:

حلويات واكلات سهلة اوى بالصور

اقرء المزيد