حياة مصرية

الجمعة، 10 يونيو 2016

الكبة الشامة بالصور الكتير

6:47 م mam power لا يوجد تعليقات

صفحة الشيف عبدو

اقرء المزيد

الممبار بالتفصيل

6:30 م mam power لا يوجد تعليقات

الممبار

اول حاجه هنحط حله على النار فيها معلقتين سمنه كبار ومعلقه زيت ونقطع
3او4بصلات كبار ونشوحهم يدوب يصفرو

نكون ضاربين طماطم بالخلاط نحطها ونحط ملح وفلفل وبهارات

مشكله ومعاها توم بودر وبابريكا وكزبرة ناشفه اناخلطاهم مع البهارات

ونحط مكعب مرق وممكن متحطيهوش وتسيبى التقليه تتسبك

ونحط معلقه صلصه بتخلى اللون احمر وحلو

ونكون غسلين الرز ومصفينه ميبقاش فيه نقطه ميه ونحط عليه معلقتين زيت ونقلبه
مع معلقتين الزيت بيخليه يبقى مفلفل جوة المحشى ونحط الرز عل التقليه
ونشوحه ونقطع شبت وبقدونس وكزبرة

ونحطهم على الرز ونقلبهم

وننزله من ع النار على طول ونكون غسلين الممبار حلو ومنضفينه

ونحشيه بقى ونسلقه ف ميه فيها لورى وحبهان وقرفه وبصله وجزرة وطماطمه

بيقعد زى الحمام من ساعه لساعه وربع يستوى وطلعيه وحمريه بالزيت والف هنا

مطبخ فاطمة ياسر

اقرء المزيد

الباذنجان المخلل بطريقة الشيف لولا شومان

6:08 م mam power لا يوجد تعليقات

علشان البدنجان ينجح معاكي

مية السلق تكون يادوب مغطيه البدنجان

وبلاش تضيفي خل للسلق ولا بعد السلق

لانه بيهريه

وممنوع منعا باتا توصله اي ميه

علشان الريم ما يظهرش وممكن يقعد معاكي اكتر من شهر

ومش ماتحتاجيش لوضع زيت على وش العلبه

ممكن تضيفي رشة الزيت عند الاستخدام

والبدنجان يكون نصف سلقه وهيكمل سواه مع التخليل

وعن نفسي باخلل البدنجان سليم وبدون فتحه للحشو

بيكون محتفظ بقيمته الغذائيه

حاولوا تعملوا البدنجان مخلل افضل من المقلي

المقادير

كيلو بدنجان اسود عروس

ربع كيلو فلفل طويل بارد او حراق

راس توم

ملح

كوب ماء مغلي من ماء السلق

ربع كوب ليمون واحتفظي بالقشر

ربع كوب زيت

خلطة توم وكمون وفلفل اخضر واحمر

للحشو لو فضلتيه مفتوح و متبل

الطريقه

انزعي غطاء البدنجان واتركيه سليم

في اناء على النار ضعي البدنجان مع الفلفل الطويل

وغطيه يادوب بالميه ضيفي الليمون والملح

ولعي النار واول الفلفل ما يطرى ويدبل

اطفي النار وغطي الاناء

واتركيه يبرد تماما

دقي التوم مع الكمون والفلفل الاخضر وممكن احمر

واخلطيهم مع كوب ماء السلق وعصير ليمون

وفي علبه او برطمان رصي البدنجان
والفلفل مع قشر الليمون

وضيفي الخليط وعلى الوجه قليل من الزيت

او احشيه بخلطة التوم والفلفل

ونرصه في علبه وعليه رشه زيت

ويحفظ بالتلاجه

البدنجان المخلل من اسرع انواع التخليل

ممكن يؤكل في نفس اليوم

ملحوظه

كلما كان الملح قليل في المخلل كلما كان افضل

ومهم جدا انك تتركي العنق بدون قطع

لانه بيشرب منه التتبيله وياخد لون بنفسجي من الليمون

ويحافظ على تماسك البدنجانه

صفحة اكلات زمان مع لولا شومان