فبراير 2016 ~ حياة مصرية

الأربعاء، 17 فبراير 2016

طريقة الناجتس لشيف شمس الضحى

ناجتس

صدر فرخه تبلته
تتبيله بصله مضروبه مع علبه زبادي ناعم جدا وحطيت بهارات ملح فلفل اسود ورشه حبهان مطحون بسيطه ومعلقه كبيرة خل وليله كامله في تتبيله بعد ما اتبلت شلتها حطيتها في كبه بدون تتبيله عصرتها كويس وفرمتها وضفت معلقتين بقسماط ومعلقه صغيرة بيكنج بودر وتوم بودر وبصل بودر ورشه بابريكا ورشه بهارات دجاج وفلفل اسود او ابيض لو عندك ورشه جنزبيل مطحون ومعلقه لبن بودر

وخلطتها كويس وفردتها علي كيس وغطيتها بكيس وسويتها بكيس عشان متلزقش في ايدي بسمك نص سم ودخلتها الفريزر تافرز نص تفريزه متجمدش قوي قطعتها مربعات وبتكون متماسكه خدتها علي بيض وعلي خلطه الفجيتار وتفضل في فريزر ساعه عشان خلطه تمسك فيها
خلطه الفجيتار انا عاملاها بيتى

احلي فجيتار بيتي

كوب دقيق
نص كوب بقسماط ناعم هنعملوة من العيش الفينو
ربع كوب خلطه مقرمشه او.كورن فليكس مطحون
تلت معالق كبار نشا
معلقه كبيرة توم بودر
معلقه كبيرة بصل بودر
معلقه صغيرة جنزبيل بودر
معلقه كبيرة بهارات دجاج
معلقه صغيره بابريكا
شطه بودرحسب الرغبه
معلقه كبيرة فلفل اسودنااعم
معلقه كبيرة ونص ملح ...رشه بيكنج بودر
ونقلب كلللووو واحلي فجيتار مقرررمشه
شمس الضحى

اقرء المزيد

الخميس، 11 فبراير 2016

فراخ زنجر سوبريم بطريقة شيف شمس الضحى

1:09 م Unknown لا يوجد تعليقات

سندوتشات زنجر
شرايح فيليه دجاج قطعتها بالطول وغسلتهاوعصرت نصف،ليمونه ونقعتها فيها وملح وميا وغسلتلها تاني وتبلتها برشه فلفل اسود رشه توم بودر بصل بودر جنزبيل بودر حبهان بودر ومعلقه مسترده صغيره ان وجدت ورشه بهارات دجاج وملح وتتبل ساعتين علي الاقل اجيب كوب دقيق واحط عليه رشه من كل بهارات سابقه وملح ومعلقتين كبار نشا ومعلقه صغيره بيكنج بودر ومعلقتين كبار كورن فليكس،مطحون او خلطه مقرمشه من العطار ونخلطهم كويس ونجيب كبايه ميا متللللجه ونخد شرايح الدجاج من تتبيله لدقيق للميا المتلجه ثانيه واحده بس وطلعي بسرعه علي دقيق تاني الميا بدل البيض وتحطي الشرايح في الدقيق. ووخدي الشرايح بشويه دقيق بين ايديكي عشان تعملي طبقه مقرمشه كويسه وعلي زيت سخن يدوب من اربع لخمس دقائق

ولو عايزاها حراقه حطي شطه بودر في تتبيله وفي الدقيق
هاتي الفينو حطي فيه الخس وحطي توميه او مايونيز انا حطيت توميه وجبنه شيدر والزنجر واي صوص بقي تفضليه
#ممكن التسويه في الحله الضغط بتدي نتيجه هايله

ودي،طريقتها بسخن الزيت في،الحله،واحطً.رشه دقيق،اطمن انه قدح ،واحط،الاستربس كلها ،بس،مش،فوق،بعض،جمب،بعض عشان ميلزقوش في بعض واقفلي،الحله كويس وبالصفاره متخافيش وبعد،دقيقه بالظبط امسكي،الحله رجيها علشان لو حاجه لزقت تفك ودقيقه كمان وافتحي. وسيبيها بقي،نص دقيقه تتحمر والحله مكشوفه كمان عشان تقرمش
والكميه ممكن تعمليها علي،مرتين عشان متمسكش،في،بعضها
واما تطلعيها تطلعيها علي شبكه مش مناديل،لان مناديل،بتطريها

شمس الضحى ادمن سعاد محمد

اقرء المزيد

الجمعة، 5 فبراير 2016

طريقة عمل اللوبيا للمبتدئات

2:35 م mam power لا يوجد تعليقات

الاول هنبدا باالمكونات

طبق الطماطم الفريش

كيس لوبيا اللى انا بخزنهم فى الفريزر وبكيسهم بينفعوا فى الزنقات قوى

ودة برضوا كيس الشوربة اللى مخزناة عشان الطبايخ القورديحى تمام كدة

نبدا بسم الله

للعرايس والبنات المبتدئات فى الطبيخ تعالوا معايا نشوف اللوبيا بتتطبخ ازاى

بس الاول هية قورديحى يعنىبشوربة كنت مخزناها عندى

و اللوبيا كمان مخزناها

نبتدى بسم الله نخرط بصلة و5فصوص توم

نحضر الحلة وعلية معلقة سمنة و3ملاعق زيت

نحط عليهم التوم والبصل

واول ما يصفروا انزل عليهم بعصير الطماطم وايبهم على نار هادية تتسبك الطماطم وتتقل

كدة اتسبكت الطماطم قبل ما تتسبك احط الملح والبهارات بتعتى

تتسبك انزل عليها باللوبيا بتعتى وهية متجمدة وايبها على نار هادية وااقفل الحلة تفك على راحتها واول ما تفك هنزل عليها بالشوربة اللى عندى بس كوب ونصف مش اخليها خفيفة خالص

شوفتوا ازاى بعد ما حطيت الشوربة هية لسة تقيلة

هنطفى عليها بعد ما نحس انها تقيلة معايا تقريبا بعد ربع ساعة على نار هادية

ومعاها الرز

والسلطة

والمخلل طبعا

للعضوة:نسائم الرحمة

من فتكات

اقرء المزيد

احلى بروستد فراخ وبطريقة مضمونة

12:41 م mam power لا يوجد تعليقات

النهاردة هقدملكم طريقة البروستد
من مطبخى ( سهل آوى بس بياخد شوية وقت )

المكونات

لتتبيل الفراخ

فرخة صغيرة اقل من كيلو
مقطعة 8 قطع
ولازم تشرحيها بالسكينة
( وده مهم عشان تستوى كويس )
بصلة متوسطة
عصير 2 ليمونة
معلقة خل كبيرة
4 فصوص تومكبار
معلقة صغيرة فلفل اسود
معلقة صغيرة شطة
كوب لبن رايب
او علبة زبادى كبيرة مضاف ليها كوب ماء

بالنسبة لتغطية الفراخ هنحتاج

2 بيضة
2 كوب دقيق كبير
معلقة صغيرة بصل بودرة ومعلقة توم بودرة
( مفيش يبقى 2 كيس مرقة دجاج فورية )معلقة صغيرة فلفل اسود
معلقة صغيرة بابريكا
معلقة صغيرة شطة
معلقة صغيرة حبهان مطحون
معلقة ملح كبيرة
2 معلقة كبيرة بقسماط
معلقة صغيرة بكنج بودر

ودى صورة المكونات
معلش مصورتش البهارات

ودى الفراخ مغسولة كويس ومتقطعة

الطريقة

. هنفرم البصل والتوم فى الكبة مع التوابل

. هنضيف ليهم اللبن الرايب ونتبل الفراخ

. هنسيبها فى التلاجة ليلة كاملة وتتعمل تانى يوم
يعنى تبليها من بليل مثلا والصبح اعمليها للغداء

اولا هنعفر قطع الفراخ بالدقيق قبل ما نضيف ليه البقسماط والتوابل
نعفر الفراخ يعنى نرش عليها دقيق بسيط

وطبعا هنكون حاطين الزيت على النار يسخن
لحد ما نخلص كل قطع الفراخ

. هنضيف البقسماط والتوابل والملح للدقيق

. هنضرب البيض ونحط قطع الفراخ فيه ونقلبها كويس

. هنحط قطع الفراخ فى الدقيق بالتناوب مش كلهم مرة واحدة طبعآ

. ندعكها كويس بأدينا فى الدقيق ونغطيها خالص

القلى

. دلوقت الزيت بقى سخن
مش يكون سخن جدا جدا يعنى وسط نار متوسطة
وممكن نختبره بشوية دقيق صغيرين لو فار يبقى تمام نحط قطع الفراخهنقليها فى زيت عميق فى حلة مثلا
عشان الزيت يغمر الفراخ وتستوى كويس

. هنقلى الفراخ حوالى 10 دقايق اول 3 دقايق سيبى النار عالية
عشان التغطية متروحش من الفراخ وتبقى طرية
وبعد كده نخلى النار هادية ونغطى الحلة
ولما تاخد اللون الذهبى نطلعها على شبك زى كده
مش مناديل عشان متبقاش طرية
لو معندكيش يبقى مصفاه

وتتقدم مع بطاطس مقلية وعيش وكول سلو

للعضوة:

Just Smile

من فتكات

اقرء المزيد

كنافة بالقشطة باسهل طريقة للشيف عبير

12:03 م mam power لا يوجد تعليقات

مكونات القشطة

3 كوب لبن تدوب فيهم 4 معالق ك نشا وعلى النار

لحد التماسك نقفل النار ونضيف 3 معالق ك قشطة

ده للى بيحب القشطة كتيرة وظاهرة وممكن يكون 2 كوب لبن

و3 نشا و3 قشطة

وتسبيهم يبردوا

الكنافة

نص كيلو كنافة تحطيها فى الفريزر وبعدين لما تجمد طلعيها

وافركيها وهى فى الكيس
نصف كوب سمن بلدى سايح وممكن تزودى لحد كوب سمن

سايحة لو حسيتى ان الكنافة

ناشفة ومش طرية معاكى
2 معلقة ك سكر بودرة

مقادير الشربات
كوب ونصف سكر ينضربوا فى الخﻻط مع تﻻت ارباع كوب ماء
وبعدين تحطيهم على نار متوسطة من غير تقليب

اول ما يغلى هدى النار 5 دقايق وضيفى

عصرة ليمونه وممكن فانليا
و2 معلقة عسل جلوكوز

فى حاجة واسعه نقلب الكنافة مع السكر والسمن كويس

انا غلفت صيينية بورق ذبدة علشان يسهل ان اقلبها مش عاوزة عادى

ضيفى نص مقدار الكنافة

وطبقة قشطة ورشة جوز هند او مكسرات او سادة
بس خليكى بعيدة شوية مقدار 5 سم عن اﻷطراف

وبعدين النص التانى
دخليها فرن حامى من قبل على درجة 200 فى الرف اللى فى النص
لحد ما تحمر من الجوانب حمريها من فوق
لو حسيتى انها اخدت لون من فوق ولسة تحت لونه ابيض غطيها

بحاجة وسبيها تحمر من تحت

تاخد راحتها خالص فى السوا والتحمير ما تبقيش قلقانة

ده شكلها بعد ما خرجت من الفرن

لو عاوزاها مقرمشة

استنى عليها لما تهدا 10 دقايق واسقيها بالشربات العادى مش سخن
لو عاوزاها طرية اسقيها بالشربات اول ما تخرج
طيب
هاتسقى نص كمية الشربات وبعدين اقلبيها واسقى النص التانى

صفحة وصفات عبير