كرسبى ستربس
من الحاجات اللى مفيش طفل مش بيحبها
طبعا هيتعمل بصدور فراخ مش وراك خالص متنفعش نهاءى علشان عارفه انى هتسال السؤال ده 😁
هتجيبى صدور الفراخ وهتقعطعيها صوابع تخينه رفيعه براحتك بس الوسط حلو علشان السوى وياريت تظبطى ايدك يكونو اد بعض علشان كله يستوى وياخد لون ف نفس الوقت
وبعدين هتبليها بالتتبيله دى 👇🏽
( ماح / فلفل / بهارات مشكله او بهارات لحمه او دجاج / كركم/ بصل وتوم بودره / بصله مقطعه اربعه / معلقه خل / مسطرده / عصره ليمون حسب الرغبه مش اساسى
هتضربى كل ده ف الخلاط بتاعك لحد مايكون ناعم جدا جدا وبعدين تحطيه ع الفراخ وتضيفى بعد كده نص معلقه بيكنج بودر و نص كوب لبن و معلقتين دقيق
وبعد ماتسيبيها ف التتبيله دى معاكى من ساعتين لحد براحتك ممكن يوم كامل انا عملتها ع السريع ساعتين بس
و بعدين قبل التحمير مباشره حطيت بيضه
ع الفراخ بالتتبيله وقلبتها فيهم وبقيت اطلع ع دقيق تانى ف طبق نصيف واخلى الدقيق عليها كتير علشان تطلع بالقرمشه دى ومتنفضيش الدقيق من عليها
لو عاوزاها اسبايسى بتحطى مع الدقيق حبه شطه حلوين او فلفل احمر مطحون انا عملت كده لجوزى بصراحه بس ف الاخر خالص علشان البنات ميحسوش بالاسبايسى مبيحبوهوش
وحمرت ف زيت غزير ولازم تسخنى الزيت كويس جدا جدا ف الاول علشان تعملى صدمه نفساويه للفراخ وتقرمش معاكى
والف هنا وشفا
منقول
جروب ستات بيوت قدها وقدود
0 التعليقات:
إرسال تعليق