وصفتنا اليوم الكعك او كحك العيد ع طريقة مصرية و بالسمنة البلدي و فعلاً الريحة و الطعم خيال 👌👌 جزء منه بالعجمية و جزء التاني بالتمر او العجوة و ان شاءالله تكون الطريقة واضحة و اي استفسار من عيوني 😊😊
كحك العيد 🍪🍪
في وعاء عميق و يفضل تكون ستاينلس او تيفال منحط كيلو طحين و منعمل حفرة بالنص و منضيف 2 م ك سمسم ابيض ( مو محمص) + م ك ريحة الكعك او محلب + و رشة ملح..
منقدح نصف كيلو سمنة (بتكون ساخنة ع درجة الغليان) و منسكب السمنة ع الطحين فوق السمسم اللي بالنص و منقلب منيح بإستخدام ملعقة خشب و بس يبرد شوي منبس بيدنا منيح لمدة ربع ساعة او اكتر 💪💪
منكون مجهزين كاسة حليب دافي مداب فيه م ك خميرة فورية و 2 م ك سكر و 2 م ك ماء ورد ( اختياري) و منغطيه و منتركه يتخمر و بعدين منضيفه ع الطحين و نعجن و لو احتاجت نصف كاسة حليب ممكن نزيد ( حسب مابيآخذ العجين) منغطي العجين و منتركه يتخمر من ساعة - ساعة و نصف و بعدين منحشيه حسب الرغبة و منشكله و منتركه يرتاح كمان ساعة بعد التشكيل و منخبزه بالفرن محمى مسبقاً ع درجة 180-190 حتى يشقر لونن و منطلعه و منتركه يبرد تماماً و تقدم و بالعافية 🍪🍪ام يوسف
طريقة العجمية:
العجمية
منسخن 30 ج سمنة و منضيف م ك سمسم و منحمص و منضيف 30 ج طحين و منقلب و بس تغير لون الطحين اشقر فاتح منضيف 1/2 م ص محلب او ريحة الكعك و 200 ج عسل النحل و منترك المزيج يغلي و يصير قوامه قريب للمهلبية التقيل و منطفي عليها و منضيف م ص فانيلا و كاسة و ونصف جوز مجروش ( جوز هو عين جمل) و منتركها تبرد تماماً( لو حسيتي انو بتلصق ممكن منحطها بالبراد شوي) منشكلها كرات صغار ع حجم حبات البندق و مندحرجها في الطحين ( مشان ماتلصق) و ع البراد لوقت الاستخدام و بالعافية .. ام يوسف
جروب وصفات عمتى ونصائح جدتى
0 التعليقات:
إرسال تعليق