طريقة الشوكليت تشيب وبيتيفور لانكشير

السلام عليكم

وصفتنا اليوم شوكليت تشيب كوكيز 🍪🍪 و بيتيفور لانكشير

 او بيتيفور النشا 👌👌 البيتيفور
شوكليت تشيب كوكيز

منخفق 200 ج ( كاسة) زبدة  ع درجة حرارة الغرفة + 1/2 كاسة سكر عادي + كاسة سكر بني + بيضتين ( منضيف ع دفعات و لازم يكون ع درجة حرارة الغرفة) + 2 م ص فانيلا + رشة ملح + م ص باكينج صودا

 ( bicarbonate sodium) مداب في 2 م ص ماء ساخن و منضيف 3 كاسات طحين + 3/4 كاسة جوز ( عين جمل) مجروش + كاسة شوكليت تشيبس او اكتر حسب الرغبة ( شوكليت  تشيبس هو حبيبات هرشيز خاص

للكوكيز)..منعجن كل المقادير منيح و منجيب الملعقة تبع الآيس كريم ( scoop) و منبدأ منشكل كور و منرص بالصينية مبطن ورق زبدة و منترك مسافة بين كل وحدة و منخبز في الفرن محمى مسبقاً ع درجة 170 لمدة 15-20 دقائق او حتى يصير لونن اشقر و منطلعه و منتركه يبرد تماماً و تقدم و بالعاااافية ❤️❤️ ام يوسف ☺️☺️

بيتيفور لانكشير

٠٠٠الطريقة
كوب طحين
كوب نشا بس انا حطيت نص كوب نشا
ربع كوب سكر مطحون
تلات ارباع كوب زبدة او سمنة دايبة ٠٠انا خلطت زبدة وسمنة نباتية دايبة
بيضة
ملعقتين بكنج باودر صغار
ملعقة صغيرة فانيل
نخلط الزبدة والسكر وبعدين باقي المكونات وع البراد نص ساعة ٠٠٠نشكلن كرات صغيرة بالصينية بدون دهنها ٠٠٠وبالشوكة بنكبس شوي ع الكرة لتعطي هالشكل ٠٠

٠الحرارة ١٦٠ درجة ويا دوب يشقر القاع نطالعهن وليبردوا بنلزق كل قطعةمع التانية بالمربى او الشوكولا ٠٠انا حطيت مربى الورد والفريز ٠٠٠ومررتهن ع جوز الهند او فستق حلبي مطحون ٠٠٠وصحة وهنا
للعضوة ام يوسف
جروب وصفات لولا عمتى ونصائح جدتى

تصنيف : طبخ