عشان دا لسه هيدخل الفرن
دا حوالى 350 جرام بانيه...انا متبلاها من قبلها ب 4 ساعات هقول على التتبيلة ف الصورة الجاية
فلفل رومى وطماطم متقطعين زى ماتحبى جوانح او صغير
زيتون
مشروم
مكرونة فرن مسلوقة طبعا وبشاميل
البانيه متقطع قطع صغيرة او زى تقطيعة الشاورما..
التتبيلة بقا عبارة عن بصلة متوسطة جوانح ..علبة زبادى..معلقة خل
ونص ليمونة..معلقة صغيرة من كل التوابل دى ( ملح وفلفل وجنزبيل
وبابريكا وكارى وكركم وتوم باودر وبصل باودر وتوابل فراخ) ...
يتقلب كله على بعضه وف علبة ف التلاجة 4 ساعات كدا
هنحط طاسة او اى حاجة كبيرة هنستخدمها على النار تسخن
كويس ونحط فيها الفراخ بالبصل بكل حاجة ف العلبة من غير زيت او سمنة
اول مالفراخ تغير لونها ننزل المشروم اللى قطعناه
بعدين الفلفل الرومى وانا زودت كمان فلفل الوان
هنزل بعدها الزيتون والطماطم وهنقلب تقليبة واحدة...
انا عايزة الخضار فريش زى ماهو مش عايزاه يطرى ويستوى
هنظبط الملح والفلفل بقا بس خلى بالك ان الفراخ عليها ملحها
يعنى يادوب حاجة بسيطة للخضار اللى حطيناه
ننزل المكرونة اللى سلقناها ونقلب كله على بعضه براحة كدا
وعليهم معلقتين تلاتة بشاميل....
اصلا شكله يجوع من الالوان الفظيعة اللى فيه
هنجيب الصنية بتاعتنا بقا ونحط طبقة بشاميل خفيفة ف الارضية..
البشاميل انا عملته بالتفاصيل ف وصفة الرز بالبشاميل...
كل معلقة زبدة او زيت قصادها معلقة دقيق وكوباية من السائل
سواء لبن او ميا او شوربة. ..
انا عامله هنا 4 معالق دقيق عليهم معلقتين زبدة ومعلقتين زيت
اول ماسخنوا كويس ع النار رفعتهم ونزلت السائل
بتاعى كله مرة واحدة ورجعته تانى على النار
وقلبت لحد ماقوامه تقل شوية حطتله كريمة لبانى حوالى نص كوباية
وملح وفلفل وبس كدا
نحط بقا ف البايركس الخليط اللى عملناه بالمكرونة والخضار والفراخ
جبنة رومى وشيدر وموتزاريلا على وش المكرونة
ونحط البشاميل وعلى فرن سخن على 200 لحد ماتحمر
صفحة
cooking with din
0 التعليقات:
إرسال تعليق