الفراخ المشويه
المقادير
كمية من الفراخ مناسبه لعدد افراد اسرتك
التتبيله
بصله ملعقة عسل اسود صغيره لكل فرخه ملعقتين زبادي
باربكيو صويا صوص ليمون خل ملعقة زيت
فلفل اسود جنزبيل بودر بردقوش بودر
لاورا بودر بهار فراخ سماق حبهان مطحون
ملح زعتر مطحون توم وبصل بودر
روز ماري بودر
الطريقه
قطعي الفراخ اربع ونضفيها كويس كسري عظمة الصدر والورك
خلي القطع مفروده قدر المستطاع
وانقعيها في ميه وملح وخل ربع ساعه
اغسلسها كويس وضعيها في مصفاه لتجف تماما من الميه
اضربي بالخلاط كل المقادير السائله
وفي المطحنه اضربي كل التوابل والملح
لتخرج زيتها وتضيف طعم ونكهه للفراخ
الملح هيساعد على سرعة الطحن
ضيفي التتبيله السايله مع التوابل واخلطي كويس
وبسكينه اعملي شقوق عرضيه في لحم الفراخ
وكسري اي عظم ممكن يتكور اثناء التسويه
تبلي الفراخ كويس جدا واملي الشقوق وتحت الجلد
وحول العظم الداخلي لتمنعي اي ريحه فراخ تظهر بعد الشوي
اتركيها لا يقل عن 3 ساعات ولو يوم سابق افضل
وابدأي اشوي الفراخ صفيها من التتبيله وعندك اختيارات
ممكن في صينيه في الفرن
على الجريل بنقطة زيت
او على شواية الفحم
المهم افردي القطع كويس جدا
قدمي معاها سلطة طحينه وسلطه خضراء ومخللات
وعيش بلدي وسلطةبابا غنوج وممكن مكرونه
وبالف صحه وعافيه
انا شويتها في الفرن واما استوت شغلت الشوايه
طعمها وريحتها رائعه
الفراخ المقطعه في الشوي افضل
وخاصة لو كيلو ونصف او اكبر
صفحة وصفات لولا عمتى ونصائح جدتى
0 التعليقات:
إرسال تعليق