تخليل الجزر loula shouman
المقادير
1 كيلو جزر او حسب احتاجك
ربع كوب خل
ملح وميه وشطة هريسه
وفصين توم مشققين فقط
الطريقة
الافضل تخليل الجزر سليم وفي 3 طرق
انك تغسليه وتخليليه في نسبة كبيره من الملح والميه لو عاوزاه يعيش مده طويله
انك تقطعي طرفي الجزره وتخليليه بقشره وميه وملح وخل ومدة التخليل بتقل شويه
انك تقشريه وتقطعي جزء من طرفي الجزره وتخليليه في ميه وملح وخل ودي الاسرع
انك تقشري الجزر وتقطعيه وتخليليه في ميه وملح وخل وده الاسرع على الاطلاق
انا قشرته وخللته سليم 3 ايام فقط واتخلل
قطعته بعد التخليل و شطفته وعملت له ميه جديده
ميه وخل وملح وظبطت الملح الجديد حسب درجة ملوحة الجزر
ولان درجة ملوحة الملح بتختلف من شركه لشركه بادوق الميه واظبط الكميه
وضفت لجزء منه شطة هريسه جاهزه مع فصين توم مشققين
وجزء تركته بدون شطه
تقطيع الجزر يجب ان يجون سميك
الجزر به نسبة سكر بتساعد على انه يريم ويتخمر
علشان كده باخلله سليم واشطفه واقطعه بعد التخليل
او عند الاستخدام علشان يفضل ناشف ويقرقش
وبالف صحه وعافيه
يمكنك ايضا قراءة:
0 التعليقات:
إرسال تعليق