جلاش باللحمة المفرومة

السلام عليكم ورحمة الله وبركاته

جولاش باللحمه المفرومه
عمتو لولا loula shouman
المقادير
لفة جلاش
كوب ونصف لبن مضاف له بيضه وملح وفلفل اسود
وربع ملعقه صغيره بكنج بودر
لحمه معصجه وبدون طماطم
جبنه رومي مبشوره بتضيف طعم ونكهه محببه
واللحمه بتتماسك  مع الجولاش
سمنه لقاع الصينيه ولدهان ورق الجلاش

الطريقه
فردت ورق الجلاش على الرخامه وقلبت عليه الصينيه
وبسكينه رفيعه عملت دايره حوالين حرف الصينيه
قطعت الجلاش على مقاس الصينيه
دهنت قاع الصينيه والجناب كويس بالسمنه
وبدأت ارص نصف لفةالجلاش وبين كل ورقتين ادهن سمنه
ورصيت نصف كمبة الجلاش الي طلعت من ناتج
مقاس الصينيه ايضا ودهنتم سمنه

ونزلت باللحمه المعصجه وعليها
بشر الجبنه الرومي

عمتو لولا amal shouman
عمتو لولا amal shouman
جروب وصفات لولا عمتي ونصائح جدتي
صفحة اكلات زمان مع لولا شومان

وسقيت الجولاش بنصف خليط اللبن
وبدأت ارص باقي الجلاش بدات  بباقي الورق
اللي طلع من ناتج مقاس الصينيه الاول وفوقه باقي نصف
ورقة الجولاش وبنفس الطريقه يعني بادهن
سمنه بين كل ورقتين
قطعت الجولاش مربعات وسقيته بباقي خليط اللبن
وتركت الصينيه حوالى نصف ساعه لتتشرب اللبن
ودخلتها الفرن على حراره متوسطه
واول وشها ما احمر خرجتها
سبتها تهدى الحراره وقطعتها
وبالف صحه وعافيه
احبكم في الله
#عمتو لولا
ملحوظه
البكنج بودر بيخلي الجولاش ينفش ومش مكتوم وعالي
وبيكون مستوي كويس من جوه
باسيب الصينيه تهدا علشان الجولاش يحتفظ بالهوا
ويفضل منفوش

اختيارك لمقاس الصينيه يكون مناسب لكمية الجولاش
كلما كان الجولاش سميك يكون افضل
قللي كمية السمنه بين طبقات الجولاش
واهتمي بكمية سمنة القاع ليتحمر القاع
حاولي ان اللبن يتخلل طبقات الجولاش
ليكتسب طعم رائع ويكون طري من جوه ومش مفتفت
احبكم في الله
#عمتو لولا

تصنيف : طبخ