كفتة الفراخ بكل تكاتها

النهاردة جايبالكم كفتة الفراخ بكل تكاتها

المكونات
اكيلو فيليه فراخ صدور غسلته بماية وخل وملح
شطفته كويس وصفيته ونشفته بفوطة مطبخ
بصلة متوسطة
من٥الى٧ فصوص توم حسب الحجم
فلفلة خضرا وواحد قرن شطة
بيضة

التوابل
فلفل اسود بردقوش بودر
روز مارى حبهان مطحون
بصل بودر زعتر بودر
لاورا بودر
ملح و شطة
معلقة كبيرة بقسماط ناعم


الطريقه
ضربت التوم في الاستور ماستر وضفت البصله وضربتهم كويس وضفت الفلفله الخضرا
وقرن الشطه وضربت كويس جدا وضفت فيليه الفراخ وفرمتهم مع بعض وضفت البيضه
والتوابل وقلبتهم كويس جدا وضفت ملعقة بقسماط ودخلت الخليط التلاجه حوالي ساعه
وخرجته عملته كور متساويه وشكلتها صوابه وضغط عليها من النص فردتها شويه
علشان تستوي من جوه ودخلتها التلاجه نصف ساعه
وحضرت طبق فيه دقيق وطبق فيه بقسماط وقليل من نفس توابل الكفته
وطبق فيه بيض مضروب بقليل من اللبن وملح وفلفل اسود
خرجت الكفته نزلتها في الدقيق وبعدين البيض وبعدين البقسماط
وضغط عليها كويس مع البقسماط ودخلتها التلاجه
وحضرت زيت غزير وحمرتها في زيت وسط مش سخن قوي ولا بارد قوي
علشان تستوي من جوه وخرجتها على فوط مطبخ
وقدمتها سخنه مع بطاطس صوابع محمره ومكرونه وسلطه خضراء
وسلطة طحينه
وبالف صحه وعافيه
جربوها هتعجبكوا

تصنيف : طبخ