اسلقي الفرخة بطريقة جديدة ولذيذة

المكونات
فرخة وياريت نقطع الرقبة والجزء الخارجى من الجناح

خل وملح لتنضيف الفرخة
تتبيلة الفرخة
بصلة صغيرة مبشورة ناعم ناعم جدا
حبهان مطحون اطحنيه فى الكبه
بصل بودر. جنزبيل بودر ملح فلفل اسود
توم بودر معلقتين خل

الطريقة

انقعى الفرخة فى ماية مضاف لها خل ربع ساعة فقط

وبعدين صفي الماية وادعكيها بايدك من بره وجوه بالملح
هتطلع كل الزفارة وهتلاقى الفرخة نضيفة من اى عوالق
اغسليها كويس واترميها تتصفى من الماية وجهزى التتبيلة

بصل مفروم ناعم مع فلفل اسودوحبهان مطحون وبصل بودر
وتوم بودر وجنزبيل مطحون وملح ومعلقتين خلخل
ادعكيهم كويس مع بعض وادعكى بيهم الفرخة من بره وجوه
واحشى الفرخة بيهم زى البطةكده وقفليها كويس

واحشى تحت الجلد كويس وتحت الرقبة كمان

سيبي الفرخة فىالتتبيلة حوالى ساعتين

جهزى ماية بتغلى مش كتير عشان الفرخة بتنزل ماية

وانزلى بالفرخة على ضهرها الاول
وضيفي نفس التوابل مع بصلة متوسطة

اما الفرخة تغلى كويس اقلبيها على بطنها وهدى النار
لان اللحم متركز اكتر فى البطن
اتركيها تستوى واوعى تتهرى
خرجيها وسيبيها تبرد وادهنى ايدك صلصلة طماطم
مضاف ليها عصرةلمونة
وحمريها فى زيت يغطى جزء من الفرخة
تاخد لون جميل

او دخليها الفرن تحت الشوايةتتحمر من الناحيتين

والشوربة اللى من الفرخة ممكن تعملى بيها احلى ملوخية

منقول من وصفات لولا عمتو

تصنيف : طبخ