المكونات
1 كيلو لحم مفروم
بطاطس حلقات سميكه
بصل متوسط حلقات سميكه
فلفل اخضر حلقات وممكن الوان
1 طماطمه مبشوره
روز ماري اخضر
ملعقة بقسماط ناعم
نصف كوب بقدونس مفروم
بصله متوسطه متخرطه ناعم علشان ما تنزلش ميه
5 فصوص توم ناعم جدا
فلفله خضرا مفرومه
التوابل
فلفل اسود شعرة قرفه جنزبيل بودر روز ماري بودر توم بودر بصل بودر
بهارات لحم كبابه صيني ملح
كمون للبطاطس
الطريقه
تبلت اللحمه بكل التوابل ماعدا الكمون وضفت الملح وملعقة بقسماط والبصل المخرط
والتوم والفلفله المفرومه وخلطهم مع بعض كويس جدا ودخلتهم التلاجه ساعتين
جهزت الصينيه رصيت البطاطس وتبلتها بالكمون والملح وبشر الطماطمه
وظبطها في صينيه ورصيت فوقها البصل والفلفل الاخضر
صبعت اللحمه صوابع ورصيتها فوقهم وعودين روز ماري وقرنين شطه
غطيتها بغطاء محكم وولعت عليها النار هاديه جدا
نزلت ميه وغليت كويس نصف ساعه رفعت الغطا ودخلتها الفرن
تنشف وتاخد ريحه حلوه ولون
جروب وصفات لولا عمتو ونصائح جدتى
0 التعليقات:
إرسال تعليق