تخليل الليمون

السلام عليكم ورحمة الله وبركاته
تخليل الليمون 

عمتو لولا loula shouman
وصفات لولا عمتي ونصائح جدتي
وصفحة اكلات زمان مع لولا شومان
و صفحة loula shouman

المكونات
ليمون تكون قشرته تخينه شويه
فلفل احمر. ملح سكر ميه

الطريقه
باسلق الليمون حتى يطأطأ وتخرج منه العلامه البيضاء
يعني ينفتح جزء منه ويخرج جزء صغير جدا من فص ليمونه
باطفي عليه واتركه متغطي لتاني يوم
اشيله من مية السلق واضعه في اناء اوسع
واغسله كويس واغير عليه الميه 3 ايام
ومية السلق باعبيها في زجاجه جافه تماما
واحتفظ بيها لاستخدامها في التنضيف
خاصة الاستانلس والكوبيات والحمامات

بعد ما غيرت على الليمون الميه 3 ايام وفقد جزء كبير من الطعم اللاذع
باحط الليمون في بوله كبيره بدون ميه واضيف له فلفل احمر مضروب مع ملح وشوية ميه
وملح وسكر وشطه لو بتحبيها
واقلبه كويس جدا واسيبه حوالي ساعتين
هينزل ميه لوجود الملح فيه طبعا

اعبيه في برطمان واضيف الميه الي نزلت منه عليه تاني
ولو احتجت ميه باعمل كمية ميه بملح وقليل من السكر
واضيفها على البرطمان بحيث يكون حوالي 5 سم من البرطمان بدون ميه
لانه هينزل ميه تاني اثناء فترة التخليل
وبعد يومين باضغط بايدي وتكون جافه تماما من اي ميه
على الليمون كويس حتى يغمر تماما في مية التخليل
واحفظه في التلاجه وما باعملش اكتر من كيلو علشان ما اشغلش التلاجه
ولاني لما باستخدم المخلل باحط من كل نوع عندي وحدتين تلاته
ليمون خيار بصل قرنبيط زيتون. فما فيش داعي انى اعمل كميات كبيره

وبالف صحه

تصنيف : تدبير منزلى