تفريز الدجاج بالتفصيل من مطبخ ام شهد ~ حياة مصرية

ملحوظة هامة قبل ما نبدأ ::

بالنسبة لتتبيلات اللحوم والتشيكن

يا ريت البهارات تكون كميات بسيطة بمعني ممكن نقول نكتر البهارات عشان تعطي طعم حلو

لالالا مهم جدا ان طعم اللحوم او التشيكن يكون هو الي ظااااهر

وليس طعم البهارات

يعني البهارات لا تغطي علي طعم اللحوم او التشيكن

والمعلومة ديه سمعتها من شيف متميز

وفعلا تلاحظوا في المطاعم ان اللحوم بتكون متبلة بس فعلا طعم اللحم هو الي ظاهر

بهارات سفن ستارز سمعتها من شيف وباستعملها في تتبيل اللحوم والفراخ بمشتقاتهم
عبارة عن
(قرفة - قرنفل - حبهان - جنزبيل - فلفل ابيض -مستكة -جوزة الطيب)
انا بطحنهم لاني بحب البهارات دايما فريش وبخلطهم معا وتكون جاهزة وبازود معاها ورق لورا
بس سمعت ان جوزة الطيب حرام فبصراحة بطلت استعملها

أولا التشيكن:

1- طريقة تفريز الدجاج المسلوق:

ملفي الخاص لتفريز اصناف من اللحوم والتشيكن من مطبخ ام شهد وهيما

دجاج بلدي / بصلة مبشورة / ملح / فلفل / كمون
نغسل الدجاجة جيدا ثم تدعك ملح وليمون وخل ومعلقة دقيق عليها وتترك ثم تغسل وتصفي
نضع البهارات علي البصلة ثم نتبل بها الدجاجة جيدا كل مكان وبين الاوراك وتحت الجلد
وممكن تحشي بالبصل وتفرز

انا باحتفظ بها هكذا

ولكن ممكن سلقها وتفريزها مسلوقة والشوربة نفرزها

وممكن تفريزها بعد غسلها فقط من غير تتبيل

2-طريقة تفريز السمان:

ممكن يفرز بعد غسله وبدون حشو او تتبيل وانا بافضل هذه الطريقة

وممكن يحشي ثم يفرز مثل الصورة

3- طريقة تفريز البط:

طبعا يتغسل كويس جداااا وينظف من اي بواقي ريش
ويدعك بملح وليمون وخل ويغسل مرة تانية من الداخل والخاارج

وممكن يحشي بالبصل ولكن انا افضل حشوه وقت الطبخ

هاااااااااااااام جدااااااااا

ينبغي عدم تفريز اي طيور الا بعد غسلها جيداااا

4- طريقة تفريز دجاج تكا:

دجاجتين او حسب الرغبة /علبة زبادي بصلة مقطعة / 1 طماطم مقطعة ملح / فلفل اسود / كمون / قرفه مطحونه / بابريكا / كاري/ بهارات بهارات سفن ستارز ولو تواجد بهارات تكا

1 معلقه كبيره صلصه / 2 مكعب مرقة دجاج

معلقتين خل / نصف كوب عصير نص ليمون

معلقة توم مهروس /1/4 كوب زيت ذرة او زيتون

الطريقة:

بعد غسل الفراخ جيدا تفتح من النصف بالطول من الخلف

واعمل شقوق بالسكينة في الفراخ حتي تتشرب التتبيلة جيدا وتستوي

نضرب مكونات التتبيلة كلها في الخلاط ثم تتبل بها الفراخ من الداخل والخارج

وتوضع في قالب فويل وتغطي

5- صينية فرااخ بالفلفل الالوان

فرخة مقطعة اربعة / بصل مبشور / توم مفروم / ملح / فلفل كمون / بهارات / بهارات فراخ / خلطة بهاااراتي / مكعب مرقة دجاج / كاري/ فلفل الوان

الطريقة:

نضع جميع البهااارات علي البصل والتوم ثم نتبل الفراخ جيدا

ونقطع شرايح فلفل الوان

ثم نضعها في قالب فويل وتفرز

وعند طبخها باضيف شرايح بطاطس وشرايح طماطم

بتكون هايلة وخفيفة

6- فراااخ كنتاكي

فرخة مقطعة 8 قطع / بصلة كاملة مفرومة/ توم مفرومناااااااااااعممعلقة كبيرة كسبرة ناشفة /عصيرليمونتيييييييينمعلقة خل /شطة /ملح /سماق – بهارات فراخ

دقيق ابيض \دقيق درة

3 بيضات

الطريقة:

بعد ما نغسل الفراخ جيدا نعمل فيها شقوق نتبلها بالبصل والتوم وجميع البهارات وليمون وخل

والافضل نتركها في التتبيلة ليلة كاملة

ثم نحضر كيس للدقيق و كيس دقيق الذرة وممكن معاها كيس سبايسي حااار

وطبق للبيض ومعاه لبن بسيط وملح وفلفل

نضع قطع الفراخ في كيس الدقيق ثم البيض ثم دقيق الذرة

وتوضع في قالب فويل وتفرز

7- صينية فراخ بالخضار المشكل

فرخة كاااملة / 2 بصلة مبشور او شرايح / ثوم مفروم

ملح / فلفل/ كمون / بهارات / خلطة بهاراتي / بودرة مرقة دجاج

خضاار مشكل بسلة / فاصوليا /جزر /فلفل الوااان

الطريقة:

تغسل الفرخة جيدا وتصفي ثم تتبل ببصل وتوم والبهارات كلها

ونحتفظ بنصف البصل المبهر ويتبل بيه الخضار

ويوضع في قااالب فويل

وعند السوي نضيف بطاطس مكعبات وشرايح طماطم وممكن كوسة

8-شيش طاووق

اوراك فراخ مخلية / زبادي /معلقة ثوم مهروس/ ملح / فلفل بهارات / بهارات سفن ستارز / بهارات للفراخ/ مرقة دجاج بودرة / 2 معلقة صلصة / طماطم مبشورة / معلقة بودرة بصل اوممكن بصلة صغيرة

وفلفل الوان مقطع مكعبات / بصل مقطع مكعبات

الطريقة:

تقطع اوراك الفراخ الي مكعبات

ونخلط التتبيلة معا ثم نضيفها الي قطع الفراخ

وتمزج جيدا معااا وتوضع في القالب وتغلف

وممكن تشكيلها في الاسياخ الخشبية وطبعا نضع فلفل الوان وبصل بين كل قطعة وتفرز هكذا
انا بافضل تفريزها بدون اسياخ وفلفل لاني افضل الفلفل فريش لاني بحب اكله مشوي

8- شااااورمة فراخ

صدور فراخ مقطعة شرايح رفيعة / زبادي /ثوم مهروس / ملح / فلفل / بهارات / خلطة بهاااراتي

بهارات شاورمة جاهزة /سماق/معلقة خل / معلقتين زيت / عصير ليمونتين / بصلة صغيرة / 2 معلقة صلصة طماطم

طماطم مقطع صغير / بصل شرااايح / فلفل الوان شرايح طبعا المكونات عندي تسوية الشاورمة

توضع التتبيلة كلها في الخلاط ثم تتبل بها شرايح الفراخ جيدا وتوضع في قالب وتغلف

9-صدور بانيه او مشوية

صدور فراخ / ملح / فلفل / بهارات فراخ / بهاراتي / عصير ليمونة / معلقتين خل / بصل شرايح / فلفل الوان مقطع / طماطم مقطعة صغيرة

الطريقة :

تتبل الفراخ بكل المقاادير وتوضع في قالب وتغلف
وديه باستعملها لصدور مشوية بالريحان او فراخ صيني
وصفات كتير صدور متبلة ديه اساس اكتر من وصفة

10- كوردون بلو

صدور فراخ مخلية / ملح / فلفل / بهارات فراخ / عصير نصف ليمونة

للحشو جبنة شيدر – بيف او رومي مدخن – زيتون شرايح

تتبل الصدور بالبهارات وتترك ساعتين ثم نحضر الصدر مفتوح

ونضع الحشو بالترتيب ثم يقفل بخلة