المنجئونة
نبدا بسم الله المقادير
اول حاجه هتعمليها
نص كوب لبن دافى +معلقه سكر + معلقتين خميره كبار وتحطيهم ف مج كبير علشان هيفور جامد
تانى حاجه هتحطى المقادير الجافه دى 👇🏽فى طبق واسع بلاستيك وهتنخليهم بمصفاه ضيقه طبعا او منخٌل لو عندك
كيلو دقيق ((٦ كوب من المج الازاز بتاع الشاى )) + ٣ ملاعق لبن بودره +نص معلقه بيكنج بودر + ذره ملح
ثالث حاجه هتضربى ف الخلاط الحاجات دى 👇
🏽ضرب بتاع عشر دقايق كده
٤ بيضات بحراره الغرفه + كوب زبادى +نص كوب زبده بحراره الغرفه + نص كوب زيت + فانيليا لزوم البيض 👀 + معلقه عسل نحل ( اختيارى ) +كوب ونصف سكر بودره يفضل يكون بودره
بعدين هتروحى تلاقى الخميره ملت المج ع الاخر
وهتصفى المقادير الى ضربتيها ف الخلاط برده بالمصفاه على المقادير الى ف الطبق البلاستيك و هتصفى كمان الخميره نفس الشىء والصور موضحه كل الحاجات دى خدى لفه مع الصور هتفهمى
هتعجنى بقا وتلتى وتعجنى وتلتى وتعجنى جامد
هتبقى معاكى ملبسه ولو حسيتى انها ملزقه شويه بييييس متخفيش خالص وبلى ايدك زيت خفيف وامسحى عليها من بره وسبيها تخمر لمده لا تقل عن اربع ساعات انا خمرتها ٦ ساعات نمت وصحيت لقيتها ملت الطبق وبقت هشه جدا
بدات اشكلها ومولعتش الفرن بعد ماخلص تشكيل لازم اسيبها تخمر ساعه او نص ساعه كمان وبعدين ادهنها بيض مع ربع معلقه نسكافيه (( ملحوظه )) النسكافيه غمقها شويه بس مش محروقه لكن لونها اغمق سِنه ممكن تحطى بيض بفانيليا لو عاوزاها افتح
الفرن بقا كان سخن جدا و انا لما حطيتها وطيته علشان متتحرقش من تحت وبس كده
بالنسبه لورق الزبده مش ضرورى هى مش هتلزق بس انا بحط احطه تحت المعجنات عموما يعنى
منقول جروب
ستات بيوت قدها وقدودو
0 التعليقات:
إرسال تعليق