أفضل طريقة لحفظ الملوخية

كمية من الملوخيه المتقطفه صح ومغسوله ومتجفغه من الميه تماما
تقطيف الملوخيه الصح انك تقطفي مجموعة الاوراق العلويه بالقاعده بتاعتها
لان فيها زيت الملوخيه وده سر طعم الملوخيه الحلوه وبتحتفظ بريحة الملوخيه
افردي الملوخيه على قماشه قطن كبيره نضيفه واقفليها كويس ونشفيها في الغساله
على برنامج التنشيف وممكن كيس مخده قطن
لان الجو حر ولو سيبتيها تنشف مده طويله بتدبل ويتبخر سائل الورقه

الطريقه

بعد تجارب كتيره جدا وجدت ان افضل طريقه لتخزين الملوخيه هي انك
تقطعي الملوخيه بسكينه وكانك هتقطعي سبانخ وصغير قدر المستطاع

جروب وصفات لولا عمتي ونصائح جدتي
صفحة اكلات زمان مع لولا شومان

امسكي مجموعة اوراق ولفيها حول نفسها واضغطي وابدأي قطعي حتى انتهاء الكميه
واحتفظي بها في اكياس مفرغة الهواء بالفريزر كميات حسب احتياجك

عند الاستخدام اضربيها بتلجها مع كبشة شوربه في الخلاط لفتين فقط
علشان ما تنعمش خليها خشنه شويه ونزليها فورا في الشوربه
بتطلع ريحتها ولونها بيكون اخضر وكانك لسه مقطفاها

ليه باخرطها علشان اخرط العود الرفيع الي جوه الورقه ويختفي
لانى لما احتفظت بالورق سليم وجدت ان بها عيدان رفيعه زي الخيط جوه الملوخيه بعد الطبخ
فوجدت تخريطها بالسكينه افضل لان ورق الملوخيه بتفتت اسرع في الخلاط من العيدان الداخليه
وبالف صحه وعافيه
لا تنسوني من صالح دعاؤكم

جروب وصفات لولا عمتي ونصائح جدتي 
وصفحة اكلات زمان مع لولا شومان

تصنيف : تدبير منزلى