اوعى ترمى بواقى الكيك والبسكوت

نقول بسم الله

بواقي الكيك والبسكوت على طول بيفيض عندي


دول شويه كب كيك على براونيز كانوا فايضين عندي حطيتهم في الفريزر

 لحد ما احتاجتهم
وزودت عليهم بسكوتات بتاعة بنوتي عشان ازود الكميه شويه
وكان عندي كمان شويه كريمة فيها حتت كمبوت صغيره 

فاضيين من حشو تورتايه

 فحطيتهم برضه في علبه وعلى الفريزر لحد ما جه وقتهم
وكان عندي شوية فراوله في الفريزر ميكفوش يعملوا عصير
فعطيت عليهم معلقة مربة فراولة وضربتهم في البروسيسور
ورفعته عل النار شويه بقوا بيوريه فراوله جميل قوي

الاول طحنت الكيك مع البكسوت في البروسيسور مع معلقة زبده

 وفردتهم في القارب كده

وحطيتهم في الفرن 10 دقايق

وبعدين ضربت الكريمه تاني مع 4 مكعبات جبنة كيري

 او اي جبنه على فكره واحد
وفردتها عليهم
وبعد ما تبرد في التلاجه شويه
حطيت الفراوله على الجيلي وحطيته عليهم
عملت الناحيه الشمال marble زى الكيكيةالرخاميه كده بحب شكلها
والنص اليمين سبته زي ما هو
وبكده بقى عندي صنف حلوجديد مأخدش اي وقت
ومتكلفتش ولا مليم
ده غير اني مش هضطر ارمي فتفوته من اي حاجه تفيض عندي
طعمها كان احلى من الي بعملها مخصوص 

في يوم بقى لاقيت نفسي ماليش مزاج اعمل شغل كتير في المطبخ
وفي نفس الوقت عاوزين حاجه حلوه
دورت لقيت عندى قالب في الفريزر
بس مش عاوزه ناكله كده لازم اغير ملامحه كاني عملت حاجه جديده
قطعته ترانشات رفيعه عشان يكفي
وجبت قالب الكيك غلفته من جوه بالكلينج فيلم
ورصيت الترانشاتكده
دلوقتي لازم افكر في الحشوه
لقيت شوية كاستر صغيرين ميكفوش
طيب اعمل ايه
دورت لقيت عندي طبق جيلي فايض في التلاجه ومحدش راضي ياكله مش عارفه ليه مغضوب عليه
مكنش عندي لبن عملت شوية الكاستر بلبن بودر وسيحت الجيليوقلبته فيهم

طلعوا اللون ده

والطعم بجد اختراع مكنتش مصدقه جماله ولذاذته
لدرجه اني ثبتت الطريقه دي وبقيت بعملها على طول

وده شكلها من الجنب




طبعا الي يدوقها يفتكرها موس فراوله ومحدش صدق انها مخدت

في تحضيرها 10 دقايق
ومكلفتيش حاجه خالص

منقول من فتكات

تصنيف : تدبير منزلى