الرز المعمر خطوة بخطوة

الرز المعمر الحلو.

المقادير

2 كوب رز مغسول ومنقوع نصف ساعه
4 كوب لبن يفضل لبن فريش من اللبان
٢ ملعقه كبيره سمنه بلدي
٢ ملعقه كبيره سكر او حسب الرغبه
٢ ملعقه كبيره عسل نحل
رشة ملح
قشطه لوجه الطاجن والكميه حسب الرغبه

الطريقه
اول حاجه ولعت على اللبن وضفته له ٢ ملعقه كبيره سكر ورشة ملح
و فانيليا وممكن قرفه حسب الرغبه
ان مش باضيف فانيليا ولا قرفه
وولعت الفرن

ولعت البوتاجاز على الصينيه وفيها ملعقتين السمنه
صفيت الرز كويس وضفته للسمنه وقلبته كويس جدا سخن وشرب السمنه
نزلت عليه باللبن بيغلي وتركت الرز يغلي دقيتين مع التقليب وضفت عسل النحل

 

ضفت قشطه على الوش وقلبتها كويس مع اللبن علشان تفك وتتوزع على كل الوش
القشطه بتاعة اللبن كنت غليته قبلها بيوم واحتفظت بالقشطه
يعنى كله طبيعي وبدون كريمه بودر ولا معلبه ولا قشطه معلبه
ودخلت الصينيه الفرن السخن حوالى 20 او ٢٥ دقيقه
الرز استوا واخد لون متحمر وريحة الفرن
وبالف صحه وعافيه يارب

ملحوظه
زودت اللبن شويه لان الرز المعمر الحلو يجب ان يكون طري شويه
العسل بيضيف ليونه بسيطه ويحافظ على طراوته
الملح بيكسر حدة السكر ويكسب الرز طعامه
لو ما فيش قشطه
دوبي ملعقتين كبار حليب بودر في حليب ووزعيهم على الوش
ولعت الفرن في البدايه حتى تغلي الصينيه بمجرد دخولها الفرن
من الافضل اضافة القشطه بعد ١٠ دقايق من دخول الصينيه الفرن
حتى لا تتحمر اكثر من اللازم ويتحرق الوش

جروب وصفات لولا عمتي ونصائح جدتي 

تصنيف : طبخ