المحشى بطريقة سهلة

ده المحشي الني في ني

على فكره باسوي المحشي كله مع بعضه في حله واحده
واما بيستوي باقلبه على صينيه او طبق وهو سخن وباقدمه
لا بأرص ولا أرتب بالبركه وعلى الاكل على طول
.المحشي

محشي مشكل. عمتو لولا. Loula shouman

الكوسه قوريها شيلي اللب بتاعها وبلاش تقوري قوي سيبي فيها شوية لحم
واعملي بها خطوط بالمقوار الخاص بها

الفلفل امسكي عنق الفلفله وبظفر ابهامك اعملي حواليها فتحات متواصله وهي في ايدك الشمال
وشدي العنق هيطلع معاكي بسهوله جدا ومكانه بس هو الي ههيبقى مفتوح

البادنجان قوريه وبلاش لحد الجلد خليه ملحم شويه
واشتري القصيره التخينه شويه

خلطة المحشي ني في ني عمتو لولا loula shouman

المكونات
بصل طماطم بقدونس كسبره شبت فلفله خضراء
سمنه زيت ملح وفلفل اسود شطه حسب الرغبه
بقدونس مجفف وشبت مجفف وبصل بودر
صلصة طماطم
ولمحشي ورق العنب والممبار والفلفل والبدنجان
باضيف نعناع اخضر ومجفف

الطريقه
دعكت البصل المخرط بالملح والفلفل الاسود كويس جدا
بايدي ودى خطوه مهمه جدا لطعامة المحشي
وضفت فلفله خضره مضروبه في معد الطعام
وخضره شبت كتير وبقدونس
وكسبره خضرا مش كتيير
وطبعا خرطهم على القطاعه علشان لو ضربتهم في معد الطعام المحشي
هيغمق وطعمه هيغير لانها بتتعصر مع الفرم

صفحة اكلات زمان مع لولا شومان

وضفت طماطم مضروبه في معد الطعام لانه بيقطعها وبتكون جميله
وقلبت كويس اشوف لون الخلطه علشان احدد كمية الصلصه الي هاضيفها
ضفت ملعقتين كبار صلصة طماطم وسمنه وزيت
حسب كمية المحشي وشطه حسب الرغبه
وظبطت الملح والفلفل الاسود وضفت بقدونس مجفف وشبت مجفف
وملعقة بصل بودر وشطه
وكنت غسلت الرز قبل ما ابدأ في تجهيز الخلطه وتركته على مصفه ينزل كل ميته
علشان يجف تماما و يمتص اي سوائل من خلطة النى في ني تنتج من الخضار
وقلبت كل الخلطه مع بعضها كويس جدا وضفت الرز



وابتدي احشي كل الانواع بطريقتها المعروفه وفي حله واحده كله مع بعضه
وضيفي شوربه دسمه ومقاسها اقل من آخر المحشي ب 3 سم تقريبا
لان الكوسه والفلفل بتنزل ميه في التسويه
وتغلي كويس على نار متوسطه بلاش توطي النار بدري واما الشوربه تختفي من فوق المحشي وتوصل لنصف الحله
وطي النار على مرتين مره للنصف ومره هاديه جدا
وقدميه سخن
وبالف صحه وعافيه

 جروب وصفات لولا عمتي ونصائح جدتي

تصنيف : طبخ