فراخ زى الكنتاكى بالظبط وبالخطوات المصورة

الفراخ المقرمشه بطريقه تانيه






فرخه بيضا مش بلدى مقطعه 10 قطع 


 

كوبيتين كبار لبن حليب وعلبه زبادى
ملح وفلفل اسود
___________
2 بيضه ومعلقه شطه سايله ومعلقتين ميه ساقعه
___________

كوبيتين دقيق ونص كوب نشا
معلقه كبيره ملح
توابل (فلفل ابيض وتوم بودره وبابريكاوزعتر وكسبره ) نص معلقه من كل نوع
__________________________

الطريقه 

 
هنقلب اللبن مع الزبادى مع الملح والفلفل
وننقع فيهم الفرخه على الاقل 3 ساعات فى التلاجه ونغطيها وممكن من بالليل
****

 

هنطلع الفراخ من التلاجه ونصفيها فى مصفى ربع ساعه
***
 

هنجيب كيس بلاستيك نحط فيه الدقيق والنشا والتوابل ونقلبه كويس
***
 

هنضرب البيض مع الميه مع الشطه
***
 

هنغلف الفراخ فى الدقيق ونطلعها نرصها لحد ما نخلص الكميه 

 

نرجع نحط كل قطعه فى البيض 

ونطلعها تانى على الدقيق والمره دى نغلفها كويس جدا ونرصها ونسيبها ربع ساعه فى التلاجه





 

نسخن زيت يكون نضيف اهم حاجه ويسخن كويس جداااا ونكون مسخنين الفرن معاه على الهادى على 140 

 

ننزل الفراخ فى الزيت الحامى العميق دقيقيتين ونهدى النار شويه هتاخد حوالى ربع ساعه هنطلعها على مصفى وندخلها الفرن ونكمل باقى الكميه لحد ما نخلص علشان الكميه كلها تفضل ساخنه لحد ما تخلصى وتطلعيها من الفرن على التقديم على طول
اسيبكم مع الصور
وبالهنا والشفا

صفحة ست بيت بس عصرية

 

مواضيع ذات صلة

لو معندكيش فرن اعملى كيكة على البتو...

طريقة الفطير المشلتت بالخطوات

العاشوراء بأسهل طريقة

كيكة البرتقال بالتفصيل ومضمونة

تصنيف : طبخ