اعملى صينية فراخ بالبطاطس بطريقة جديدة

المقادير
نص فرخة
وحدتين بطاطس كبار
بصلة متوسطة
عصير برتقالة كبيرة والتفل بتاعها
ملح
فلفل اسمر
قرفة

الطريقة
هنعصر البرتقالة بالعصارة اليدوية



هناخد تفل البرتقالة بس ونحطة على البصلة المتقطعة شرائح والملح والفلفل والقرفة ونتبل بيهم الفراخ ونحطها فى صينية ونسيبها تتبل على اد ماتقدرى



هنحط فى الصينية حوالى كوباية ونص مية ونغطى الصينية ونحطها على النار تستوى تلات اربع سوا



وبعدين ننشل الفراخ ونحط البطاطس المتقطعة فى الصينية ونحط معاها عصير البرتقالة وشوية ملح بسيط وفلفل وكسبرة ناشفة ونكمل مية لحد ما تغطى البطاطس بالمية



هنحط الفراخ على البطاطس ونغطى الصينية تانى ونسيبها على النار تستوى



لما البطاطس والفراخ يستووا هنطفى النار ونحط الصينية فى الفرن تحت الشواية عشان تتحمر





منقول

تصنيف : طبخ