رتبت مطبخى ونضفته اتفرجوا بالصور الكتير

الموضوع للعضوة:ام فريدة 55

من فتكات


انا النهاردة جايبالكم موضوع 2 ف 1 يعنى منه فوكيرة عشان تنظيم المطبخ نشجع بعض لما تشوفوا تنظيفى لمطبخى المتواضع
 (على فكرة دى ترويقة العيد بس معلش اتاخرت عليكم فى تنزيل الموضووع )كل سنة وانتم طيبين
اكيد طبعا كلكم لسه منظفين المطابخ والشقق وكلنا شققنا فلة شمعة منورة
بس اهو قلت برضه اللى تحب تغير وتستفيد انا مش هبخل على حد
ويارب يجعله ف ميزان حساناتنا كلنا 

ندخل بقى ف الموضوع على طول كفااااية رغى عشان متزهقوش منى
وانا بروق مطبخى لقيت عندى برطمانات كتيييييييير من اللى هى بتاعت الصلصة فقلت لازم استغلها ف حاجة مفيدة 

وف نفس الوقت كانت عندى مشكلة انى لما بستخدم الشعرية واللسان عصفور وباقى الحاجات دى بفتح الكيس اخد شويه وكل ماجيب حاجة من جنب الكيس المفتوح يقع منه شويه
قلت هى دى فرصتى اللى هستغل البرطمانات الكتير دى فيها بصوا عملت اية بقى



ورصيت الاكياس السليمة فوق بعيد عن ايدى كل مابرطمان يخلص املاه تانى وتبقى الحاجة باينة قدامى وعارفة ايه اللى خلص وايه اللى مخلصش
وبعدين عملت كل حاجة فى برطمان ولسه عندى برطمانات تانى حطيت فيها التوابل زى كدة

وكمان جبت تيكت من المكتبة بتاع المدارس ده ايوة اشمعنا الاولاد يجيبوا وانا لا
وعملتهم كدة على طقم التوابل

ونظفت المطبخ كله من جوه وبعدين بدات من بره غسلت التلاجة 
وبالخلطة السرية بتاعتى واللى هى (ميه وكلوركس 5x1 وعليهم غطا برسيل جل )وبعد كدة بنشفها بفوطة مندية خل للتعقيم وفرشت المفارش ورصيتها
ومعلش صورتها من برة ونسيت اصورها من جوه

وبعد كدة مسكت الشفاط والبوتاجاز بالباور وغسلت الشباك كمان وخليتهم فلللللللة


ودى بقى صور للمطبخ ف ثوبه النهائى

تصنيف : تنظيف وتريب المنزل